Londondaǵy Queen Mary ýniversitetiniń PhD zertteýshisi, jýrnalist ári kinosynshy Ásiia Baqdáýletqyzy qoǵamda úlken talqy týdyrǵan Maiia Bekbaevanyń qazaq áieline qatysty málimdemesine qarsy pikir bildirdi. Ol Bekbaeva hanymnyń sózin «keńestik otarlyq narrativtiń jalǵasy» dep atap, tarihi derekterge súienip jaýap berdi, dep habarlaidy Dalanews.kz.
"Sovet ideologtary qashan da qazaq áielin baǵynyshty, bilimsiz, jergilikti dástúrdiń qurbany etip kórsetýge múddeli bolǵan. Óitkeni barlyq otarshyldar siiaqty, sonyń arqasynda, Spivak aitpaqshy, "qońyr tándi áieldi qońyr tándi erkekten qutqarǵan aq násildi adam" retinde orys beineli Sovet úkimetin alǵa tartty. 1930-60 jj.qazaq kinosynda qazaq áielin (Raihan, Botagóz, Án qanatynda, tb) sipattaýda qashan da aq násildi qutqarýshy kelip qazaq qyzynyń kózin ashatyn siýjetti talap etken. Talap etkeni týraly derek jetkilikti. Solaisha, osy sipattama báriniń sanasyna shegelendi", - deidi ol.
"Qoǵamda ártúrli áielder bar ekenin moiyndamai, qazaq qyzyn jappai tek qana sovet odaǵy kelip oqytty, bilim berip, adam qataryna qosty degen oi aitý kerek boldy. Mysaly, Kinematografiia komiteti "Abai ánderi" (1946) filmin talqylaǵanda Ajar (Ámina Ómirzaqova), Maǵysh (Sholpan Jandarbekova), Qarlyǵash beinelerine qatysty mynandai syn aitty: «bularda qarapaiym halyqqa tán ...qarapaiymdylyq jetispeidi, tym bilimdi kórinedi» (Ortalyq arhiv). Óitkeni olar bilimdilikti qazaq qyzyna qimaidy", - deidi ol.
"Al Bekbaeva hanym siiaqtylar sol sovet odaǵy qazaq qyzyna jamaǵan qamytty odan ári japsyra túskisi keledi, stereotipten shyqqysy kelmeidi, óitkeni aldymen, aiqai urannan ári izdenis az. Ekinshiden, qazaq qyzyn kim kemsitpep edi, toqpaqtai berýge bolady dep oilaityn shyǵar. Bul máseleniń bir qyry ǵana, áitpese orta, qaýipsizdik, sezim degen jekelegen faktorlardan bólek, Mirjaqyptyń jubaiy Ǵainijamal, Sákenniń áieli Gúlbaram siiaqty aiaýly beineler qanshama. Abailamai sóilegen soń keshirim suraý aiyp emes", - deidi Ásiia Baqdáýletqyzy.
Aita keteiik, buǵan deiin áleýmettik jelide jýrnalister arasynda osy taqyryp boiynsha pikirtalas órshigen edi.
Jýrnalist Muhtar Túmenbaidyń aitýynsha, Maiia Bekbaeva óz videolarynyń birinde qazaq áielderin qorlaityn pikir bildirgen. Onyń sózine qaraǵanda, áńgime Alashorda qairatkerleri jaily beinerolikke qatysty bolǵan. Sol rolikte Alashordashylardyń "orys áielderine úilengeni" jóninde aitylǵan.
Óz kezeginde Maiia Bekbaeva bul aiyptaýlarǵa jaýap berip, atalǵan videoda múlde basqa taqyryp talqylanǵanyn alǵa tartty.
