Ol – 2018 jyly logistikalyq shyǵyndy azaitý jáne taýardy ýaqtyly jetkizý maqsatynda temir jol oryny jáne birneshe lokomativi bar «Temir Serik» JShS satyp alynǵan. JShS-nyń 100 paiyz aktsiiasyn 440 million teńgege satyp alynǵan soń bir jyldan soń aktsionerlermen kelispesten zaýyttyń burynǵy direktory ony 60 million teńgege qaitadan satyp jibergen.
«Qainar-AKB» JShS bas direktorynyń orynbasary, ekonomikalyq qaýipsizdik qyzmeti basshysy Sharhanbek Ińkárbekov zaýyttyń burynǵy basshylary tarapynan kásiporynǵa "shabýyl" jasalyp otyrǵanyn aitady. Sonyń saldarynan óndiris ónimdiligi tómendep bara jatqanyn da jetkizdi.
«Sottyń zańsyz sheshimi saldarynan kásiporyn úlken shyǵynǵa ushyraǵaly tur. Sebebi, qalamyzdaǵy daiyn taýarymyzdy tasymaldap kele jatqan temir jolǵa qatysty mekememiz ádiletsiz sot sheshimi saldarynan jekeniń qolyna ótpekshi. Mundai jaǵdaida zaýyt úlken shyǵynǵa batady. Munyń aqyry jumysshylardyń jalaqysynyń azaiýyna ákelýi múmkin», — deidi Sharhanbek Ińkárbekov.
Onyń sózinshe temir jol toraby zaýytta óndirilgen akkýmýliatorlardyń ózindik shyǵynyn azaityp, tez jetkizý nysany bolǵan. Eger ol basqa adamnyń qolyna ótip ketken bolsa, onda erteńgi kúni bizden alýshylarǵa taýarymyz belgili bir paiyzda qymbattap barady. Al bizden alatyn dúkender basqa memlekettik arzan taýaryn tańdap ketýi múmkin. Taǵy bir sebep - jeke tulǵanyń qolynda bolǵan soń temir jol torabynyń kútimi de sai bolmaidy.
Burynǵy iesinde bolǵan kezde jol apaty jylyna tórt ret bolǵan bolsa, zaýyt qaramaǵyna ótken soń birde bir apat bolmaǵan.
Óitkeni zaýyttyń mundai úlken nysandy qarjylandyryp, qaýipsizdik erejesin saqtaýǵa múmkindigi bar. Al jekelegen adamdarda bolsa, onda strategiialyq turǵyda Taldyqorǵan qalasyna tiimsiz. Barlyq qajetti zattar sol temir jolmen keledi.
Qalanyń eń iri jylytý qazandyǵy «Basqýatqa» kómir kelse, eń aiaǵynda kommertsiialyq azyq-túlikke deiin ýaqytyly kelmei qalý qaýipi bar.
Osydan keiin kásiporynnyń qazirgi basshylary atalǵan máselege bailanysty quzyrly organdarǵa shaǵymdanyp, qylmystyq is qozǵalǵanyn aitady. Qazirgi ýaqytta sot protsesi júrip jatyr.
