«AMANAT» partıasynyń Respýblıkalyq saılaýaldy shtaby músheleriniń óńirlerdegi saılaýshylarmen kezdesýi jalǵasyp jatyr. Búgin partıalyqtar Shyǵys Qazaqstan oblysyna keldi, – dep habarlaıdy Dalanews.kz.

Zaısan qalasynda shtab músheleri aýdandyq kópsalaly aýrýhana ujymymen kezdesip, partıanyń «Halyqpen birge!» saılaýaldy baǵdarlamasyndaǵy densaýlyq saqtaý salasyn damytý sharalaryn talqylady.

Osy kúni amanattyqtar Zaısan jáne Tarbaǵataı aýdandarynyń jurtshylyǵymen kezdesti. Júzdesýde shekaralas eldi mekenderdegi kólik, ınjenerlik jáne áleýmettik ınfraqurylymdy damytýǵa basa nazar aýdaryldy.

– Biz tek oblys ortalyqtaryndaǵy ǵana emes, shalǵaıdaǵy eldi mekenderde turatyn saılaýshylarmen de kezdesip jatyrmyz. Elimizdegi shekara mańyndaǵy aýdandarda medısınalyq qyzmetterdiń qoljetimdiligi, joldardyń sapasy, ınternettiń bolýy sıaqty  t.b. ózekti máseleler bar, – dep atap ótti «AMANAT» partıasynyń Tóraǵasy Erlan Qoshanov.

Jalpy, shtab músheleri Shyǵys Qazaqstan oblysyndaǵy  ardagerlerimen, kásiporyndardyń eńbek ujymdarymen jáne jastarymen júzdesip, partıanyń saılaýaldy baǵdarlamasyn keńinen talqylady.

https://dalanews.kz/kogam/86781-auyldarda-36-medicinalyq-nysan-ashylady