«Tsifrlyq Qazaqstan» – Ońtústik oń nátije kórsetti
Onyń aitýynsha, zamanaýi tehnologiialardyń kómegimen iske asyp jatqan jańa bastama qazirdiń ózinde oń nátije berýde. Máselen, tsiflandyrýdyń arqasynda bilim berý salasynda balabaqshaǵa balany qabyldaý jáne joldama berý protsesteri adamnyń qatysýynsyz júrgizile bastaǵan. Sondai-aq, osy júie arqyly 718 ustaz ótinish berip, nátijesinde 495 pedagog jumysqa ornalasypty.
– Elbasy halyqqa arnaǵan Joldaýynda qyzmetterdiń sapasyn jaqsarta otyryp, eńbek ónimdiligin kóterýde tsifrlandyrý júiesiniń mańyzy zor ekenin atap ótken bolatyn. Osy rette óńir basshysynyń bastamasymen elimizde alǵashqy bolyp aqprattandyrý, memlekettik qyzmetter kórsetý salasynda arnaiy basqarma quryldy. Ondaǵy maqsat «Tsifrlyq Qazaqstan» memlekettik baǵdarlamasyn júzege asyrý, onyń ishinde memlekettik kórsetiletin qyzmetterdi elektrondyq formatqa kóshirý, – dedi Bastar Áýelhanuly.
Turǵyn úi kezegine turý máselesi árdaiym halyqtyń qyzý talqysyna túsetindikten, jańa joba bul salaǵa da engizilgen. Nátijesinde zańsyz sheshim qabyldaýǵa jol bermeitin «Turǵyn úi qatynastary» páterlerdi bólýdiń avtomattandyrylǵan júiesi iske asyrylýda. Osynyń arqasynda ótinishterdi qaraýdyń orta merzimi 2 aidan 20 kúnge qysqaryp, azamattar tarapynan aryz-shaǵymdar azaiǵan.
Sondai-aq, tsifrlandyrý júiesi engizilgeli aýyl sharýashylyq salasynda da oń ózgeris baiqalǵan. Máselen, robottardyń arqasynda «Bórte Milka» sút-taýarly kompleksi sapaly ónim shyǵaryp keledi. Aldaǵy ýaqytta atalǵan salada «Aqyldy óris», «Aqyldy sýarý» jobalary qolǵa alynbaq.
Pilottyq jobalardan bólek zamanaýi tehnologiialar turǵyn úi-kommýnaldyq sharýashylyǵy, densaýlyq saqtaý, týrizm, memlekettik qyzmetter kórsetý, arhiv salalaryn da synaqtan ótkizilýde.
OQO ákiminiń baspasóz qyzmeti
https://dalanews.kz/33700
