Onyń aitýynsha, ótken jyly 33 myńnan astam jas jumysqa ornalastyrylsa, onyń ishinde 18,2 myńy aýyl jastary. Sondai-aq, byltyr 216 jasqa turǵyn úi berilgen.
Elbasynyń tikelei bastamasymen júzege asyrylyp kele jatqan «Serpin» baǵdarlamasy boiynsha Ońtústikten 7500-den astam jas Soltústik óńirlerdegi oqý oryndarynda bilim alýda. Osylaisha jalpy respýblika kóleminde bólingen 15 myńǵa jýyq granttyń 50 paiyzdan astamyn Ońtústik Qazaqstan oblysynyń jastary ielengen.
«Búgingi tańda oblysta 750 myńnan astam jas bar, bul óńir halqynyń 26 paiyzy. Qazir aimaqta jastarǵa arnalǵan 57 qoǵamdyq birlestik, 7 respýblikalyq jastar uiymdarynyń filialdary men 20 etnomádeni ortalyqtyń janynan jastar qanattary jumys istep keledi. Sonymen qatar, joǵary oqý oryndary men kolledjderde - 41, al kásiporyndarda - 13 jastar isi komitetteri bar. Onda 400 myńǵa jýyq jas múshelik etedi», - dedi Balmarjan Polatqyzy.
Budan ózge, «Jasyl el» eńbek jasaqtaryna 2017 jyly 1200-den astam jas tartylǵan. Osy jasaqtardyń kúshimen 117 eldi mekendegi 6 myń metrge jýyq sharbaqtar syrlanyp, 100 myńnan astam kóshet otyrǵyzyldy. Jalpy 445,8 myń gektar saiabaqtar men alleialar, kóshe boilary abattandyryldy. Stýdenttik qurylys otriadtarynda 500-ge jýyq jas eńbek etti.
Búgingi tańda jastar arasyndaǵy sheshimin tabýdy qajet etip otyrǵan ózekti másele jastar arasynda quqyqbuzýshylyq. Oblysta atalǵan másele 2016 jylmen salystyrǵanda byltyr 8,3 paiyzǵa azaiǵan.
OQO ákiminiń baspasóz qyzmeti
https://dalanews.kz/33784
