ونىڭ ايتۋىنشا، وتكەن جىلى 33 مىڭنان استام جاس جۇمىسقا ورنالاستىرىلسا، ونىڭ ىشىندە 18،2 مىڭى اۋىل جاستارى. سونداي-اق، بىلتىر 216 جاسقا تۇرعىن ءۇي بەرىلگەن.
ەلباسىنىڭ تىكەلەي باستاماسىمەن جۇزەگە اسىرىلىپ كەلە جاتقان «سەرپىن» باعدارلاماسى بويىنشا وڭتۇستىكتەن 7500-دەن استام جاس سولتۇستىك وڭىرلەردەگى وقۋ ورىندارىندا ءبىلىم الۋدا. وسىلايشا جالپى رەسپۋبليكا كولەمىندە بولىنگەن 15 مىڭعا جۋىق گرانتتىڭ 50 پايىزدان استامىن وڭتۇستىك قازاقستان وبلىسىنىڭ جاستارى يەلەنگەن.
«بۇگىنگى تاڭدا وبلىستا 750 مىڭنان استام جاس بار، بۇل ءوڭىر حالقىنىڭ 26 پايىزى. ءقازىر ايماقتا جاستارعا ارنالعان 57 قوعامدىق بىرلەستىك، 7 رەسپۋبليكالىق جاستار ۇيىمدارىنىڭ فيليالدارى مەن 20 ەتنومادەني ورتالىقتىڭ جانىنان جاستار قاناتتارى جۇمىس ىستەپ كەلەدى. سونىمەن قاتار، جوعارى وقۋ ورىندارى مەن كوللەدجدەردە - 41، ال كاسىپورىنداردا - 13 جاستار ءىسى كوميتەتتەرى بار. وندا 400 مىڭعا جۋىق جاس مۇشەلىك ەتەدى»، - دەدى بالمارجان پولات قىزى.
بۇدان وزگە، «جاسىل ەل» ەڭبەك جاساقتارىنا 2017 جىلى 1200-دەن استام جاس تارتىلعان. وسى جاساقتاردىڭ كۇشىمەن 117 ەلدى مەكەندەگى 6 مىڭ مەترگە جۋىق شارباقتار سىرلانىپ، 100 مىڭنان استام كوشەت وتىرعىزىلدى. جالپى 445،8 مىڭ گەكتار ساياباقتار مەن اللەيالار، كوشە بويلارى اباتتاندىرىلدى. ستۋدەنتتىك قۇرىلىس وتريادتارىندا 500-گە جۋىق جاس ەڭبەك ەتتى.
بۇگىنگى تاڭدا جاستار اراسىنداعى شەشىمىن تابۋدى قاجەت ەتىپ وتىرعان وزەكتى ماسەلە جاستار اراسىندا قۇقىقبۇزۋشىلىق. وبلىستا اتالعان ماسەلە 2016 جىلمەن سالىستىرعاندا بىلتىر 8،3 پايىزعا ازايعان.
وقو اكىمىنىڭ باسپا ءسوز قىزمەتى
https://dalanews.kz/33784
