Tsifrlyq tehnologiia qus etin óndirýdi 5 esege arttyrdy
Ońtústik Qazaqstan oblysyndaǵy agroónerkásip keshenine tsifrlyq tehnologiialardy qoldaný qarqyndy damyp keledi. Máselen, oblysta zamanaýi tehnologiialar egin sharýashylyǵy men mal sharýashylyǵynda endirilip, onyń jemisin búginde aýyl sharýashylyǵy mamandary kórip keledi. Búginde baǵbandar ozyq tehnologiianyń nátijesinde 2,8 myń gektar jerge egilgen qarqyndy baýdyń ónimdiligi, dástúrli tásilmen egilgen 29 myń gektar baýdyń ónimdiligine qaraǵanda 1,5 - 2 esege artqanyna kóz jetkizdi. Bul keshegi Elbasy Joldaýynyń úshinshi baǵytynda aitylǵan «Aqyldy tehnologiialar» – agroónerkásip keshenin qarqyndy damytý tapsyrmasyna saiady.
Al óńirdegi jylyjailardyń 70 gektary avtomattandyrylǵan. Osynyń arqasynda 1 gektarǵa shaqqandaǵy ónimdilik 1 jylda 200 tonnadan astam qiiar men 400 tonnaǵa jýyq qyzanaq beredi. Jalpy 2017 jyly oblys boiynsha jylyjailardyń kólemi 2016 jylmen salystyrǵanda 18 paiyzǵa artyp, 1 325 gektardy qurady. Sonymen qatar tamshylatyp sýarý 16 paiyzǵa artyp, 59,1 myń gektardy qurady.
Budan bólek, mal sharýashylyǵynda barlyq mal basynyń esebi avtomattandyrylyp otyr. Bul shara, maldardyń qozǵalysyn jáne barlyq veterinarlyq is-sharalardy turaqty baqylaýǵa múmkindik beredi. Sonymen qatar oblystaǵy mal sharýashylyǵy ónimin óndirý men óńdeýde jańa tehnologiialar belsendi túrde qoldanýda. Mysaly, sút óndirisin damytýmen ainalysatyn «Bórte-Milka» sút taýarly fermasy siyrdy saýýdan bastap azyqtandyrý jáne sútti saqtaýǵa deiingi protsesti avtomattandyrylǵan júie arqyly atqarady. Óndiristi avtomattandyrý nátijesinde kásiporynda 1 siyrdan jylyna 7 myń litrge deiin sút alynady, al dástúrli tásilmen ónimdilik 3 myń litrdi quraidy.
Sonymen birge oblystaǵy 2,7 mln. bas qusynyń 1,2 milliony zamanaýi avtomattandyrylǵan qus fermalarynda («Shymkent qus», «Ordabasy qus»)ósiriledi. Onda taýyqtardy qorektendirý, jumyrtqa jinaý, soiý, daiyn ónimdi saqtaý men sanitarlyq jumystardyń barlyǵy avtomattandyrylǵan júie arqyly iske asyrylady. Tsifrlyq tehnologiiany qoldanýdyń nátijesinde qus etin óndirý 5 esege deiin artty.
Al eýropalyq standartarǵa sáikes keletin «SPK Hamit» 2,7 myń tonna óńdelgen balyq ónimderin shyǵarsa, «Aq sanat injeniring» 1 myń tonna tiri balyq ósirdi. Bul kásiporyndardyń ónimderi Eýropa memleketterine eksporttalady. Jalpy aýyl sharýashylyq salasynyń ónimdiligin artyrý maqsatynda zamanaýi tehnologiialardy endirý jáne óndirý men óńdeý protsessterin avtomattandyrý jumystaryn iske asyrý jergilikti atqarýshy biliktiń basty mindetteriniń biri bolyp otyr.
OQO ákiminiń baspasóz qyzmeti
https://dalanews.kz/33116
