Qazaqstan alyp tankerlermen, túrli kemelerdi júrgizetin jáne sý kólikteriniń jan-jaqty qyzmet kórsetetin zaman talabyna sai injener-mehanik mamandardy daiarlaý isin 2012 jyly " Teńizshevroil" kompaniiasy qolǵa alyp, demeýshilik tanytqan bolatyn. Mine, sodan beri Qazaqstan teńiz akademiiasy jan-jaqty jumys istep, sý kóligin aýyzdyqtaityn mamandardy daiarlap keledi.
Akademiia ustazdarynyń aitýynsha, qazir teńizshilerdi daiyndap shyǵaratyn bul mekeme halyqaralyq teńiz uiymynyń White list tizimine enýdi josparlap otyr. Eger akademiia sol tizimge ense, onda onyń túlekterin búkil álem boiynsha moiyndaityn bolady.
– Ázirge túlekterimiz halyqaralyq dárejedegi diplomdy alý úshin Oman Sultanatyna baryp oqidy. Ótken jyly Teńiz akademiiasynyń 15 túlegi Oman Sultanatynda halyqaralyq talaptarǵa sai sertifikattan ótip, kásibi teńizshi diplomyn aldy, – deidi akademiianyń injeneriia pániniń aǵa oqytýshysy Abylai Lekerov.
Óz isin jetik meńgergen muǵalimderden bólek, stýdentterdiń tolyqqandy maman bolyp qalyptasýy úshin Qazaqstan teńiz akademiiasynyń bazasy sońǵy úlgidegi tehnikamen jabdyqtalǵan. Munda olar pnevmatika, gidravlika, elektromehanika, joǵary kerneý jáne tońazytqysh qondyrǵy zerthanalary arqyly teoriia júzinde alǵan bilimderin tájiribemen shyńdaidy. Sonymen birge, sheberhanada «Teńizshevroil» kompaniiasynyń qoldaýymen alynǵan kemelerde jumys istegen qozǵaltqyshtar men kómekshi qurylǵylar da bar.
«Teńizshevroil» kompaniiasy bas direktorynyń orynbasary Murat Muqashev saltanatty rásimde túlekterge aq jol tiledi.
Bolashaqta atalymysh akademiianyń támamdaǵan kadetter elimizdiń sý kóligi joldaryn damytýǵa bar kúsh-jigerin jumsaityny anyq.
QTA qurý alǵysharty elimizdiń strategiialyq damýymen tikelei bailanysty. Óitkeni búginde Qazaqstan munai men basqa da ónimderdi Kaspii teńizi arqyly ózge elderge tasymaldaýda. Mundai jaǵdaida mamandarymyz ben flotymyzdyń bolýy mańyzdy.
Sondyqtan Qazaqstannyń barlyq salady qýatty kólik-logistikasyn qurýy el ekonomikasynyń úlken senimmen alǵa jyljýyna kepildik beretini belgili.
Qazaqstan teńiz akademiiasynyń maqsaty qarapaiym – halyqaralyq deńgeide moiyndalǵan, Qazaqstan men odan tysqary jerlerde tasymaldaý salasynda kóshbasshy, qazirgi tańda jáne bolashaqta kúrdeli maqsattardy sheshýge múmkindik beretin komandalyq quramdaǵy biliktiligi joǵary qazaqstandyq mamandardy daiyndaý bolyp tabylady.
Qazaqstan teńiz akademiiasyn qurý boiynsha joba Qazaqstan azamattaryn dástúrli munai-gaz sektorynan tys jumyspen qamtýǵa baǵyttalǵan Úkimettiń maqsattaryn sheshýge septigin tiizedi.
Bul joba Qazaqstannyń álemdegi uzaq merzimdi básekege qabilettiligin arttyrýǵa septigin tigizedi. Sebebi teńiz akademiiasyn bitirýshiler qazaqstandyq ári álemniń kez kelgen elindegi sheteldik kemelerde, halyqaralyq teńizder, muhittar men qurlyqta da jumys isteýge qabiletke ie. Onymen qosa, túlekter kemejasaý, keme jaldaý, teńiz quqyǵy, kemejasaýdy basqarý, kemelerdi jóndeý men tehnikalyq qamtamasyz etý salalarymen qatar elektrmen jabdyqtaý siiaqty qosymsha salalarda da aýqymy keń kásibi mindetterdi atqara alady. QBTÝ bilikti mamandardy daiarlaý jolynda Niderlandiianyń STC-Group kompaniiasymen birlesip jumysy istep keledi. Atalmysh kompaniia teńiz salasynda bilim jáne keńes berý qyzmeti naryǵyndaǵy kóshbasshy bolyp tabylady. Búginde STC-Group kompaniiasynyń Ońtústik Afrika, Oman sultandyǵy, Filippin, Braziliia jáne Indoneziia siiaqty elderde filialdary men ókildikteri bar.
Nurlan Jumahan
