Keshe Shymkentte memlekettik qyzmetshiden 10 mln teńge talap etken bloger ustaldy. Osy iske qatysty tyń derekter shyqty, dep habarlaıdy Dalanews.kz.
Buǵan deıin Shymkentte sheneýnikten 10 mıllıon teńge bopsalaǵan jýrnalıs ári bloger ustalǵan edi. Ol AMANAT partıasynyń eks-qyzmetkeri bolýy múmkin ekeni aıtyldy.
"Ol Araı Esenbek bolyp shyqty, bir qyzyǵy Shymkent ákimdiginiń burynǵy baspasóz hatshysy", - dep jazdy Mıhaıl Kozachkov.
Aldyn ala málimetke sáıkes kúdikti ákimdik qyzmetkerinen 10 mıllıon teńge kóleminde aqsha talap etken.
"Ol bul somaǵa áleýmettik jelilerde memlekettik organdardyń qyzmetin qaralaıtyn materıaldardy taratpaýǵa ýáde bergen. Bul jaıt boıynsha qylmystyq is qozǵaldy. Tergeý aıasynda kúdiktiniń turǵylyqty jeri men keńsesinde tintý júrgizilip, nátıjesinde elektron qurylǵylar men ózge de zattaı aıǵaqtar tárkilendi.
Kúdikti ýaqytsha ustaý ızolátoryna qamaýǵa alyndy. Qazir oqıǵanyń barlyq mán-jaıyn anyqtaýǵa baǵyttalǵan tergeý júrgizilip jatyr", - dedi İİM ókilderi keshe.
