Saiasat, biznes, diplomatiia, bilim berý sekildi salalarda Amerikany baǵyndyryp júrgen qazaq qyzdary az emes. Dalanews.kz shetelde qazaq atyn shyǵaryp júrgender kimder ekenine sholý jasady.
Sáýle Omarova - álemge tanylǵan ekonomist, AQSh-taǵy Kornell ýniversitetiniń professory. Ol Oral qalasynda týǵan, MMÝ men Viskonsin ýniversitetin bitirgen. 2021 jyly AQSh-tyń Valiýtany baqylaý basqarmasynyń basshysy qyzmetine usynylǵan, bul - laýazym eldiń qarjy júiesindegi eń joǵary qyzmetterdiń biri.
Ol - mundai memlekettik deńgeidegi qyzmetke usynylǵan alǵashqy qazaqstandyq áiel.
Bir kezderi BAQ-ta birneshe márte jazylǵan Amerikadaǵy qazaq qyzdarynyń biri - Ásel Tólenova. Buǵan deiin onyń AQSh Memlekettik departamentinde protokol qyzmetin basqarǵan diplomat ekeni aitylǵan edi. Onyń Almatynyń týmasy ekeni, Georgetown ýniversitetiniń túlegi ekeni týraly aqparat bar.
Derekke súiensek, 2021–2022 jyldary AQSh prezidenti men álem kóshbasshylarynyń resmi kezdesýlerin uiymdastyrýǵa jaýapty tulǵa bolǵan.
