ساياسات, بيزنەس, ديپلوماتييا, بٸلٸم بەرۋ سەكٸلدٸ سالالاردا امەريكانى باعىندىرىپ جٷرگەن قازاق قىزدارى از ەمەس. Dalanews.kz شەتەلدە قازاق اتىن شىعارىپ جٷرگەندەر كٸمدەر ەكەنٸنە شولۋ جاسادى.
سەۋلە وماروۆا - ەلەمگە تانىلعان ەكونوميست, اقش-تاعى كورنەلل ۋنيۆەرسيتەتٸنٸڭ پروفەسسورى. ول ورال قالاسىندا تۋعان, ممۋ مەن ۆيسكونسين ۋنيۆەرسيتەتٸن بٸتٸرگەن. 2021 جىلى اقش-تىڭ ۆاليۋتانى باقىلاۋ باسقارماسىنىڭ باسشىسى قىزمەتٸنە ۇسىنىلعان, بۇل - لاۋازىم ەلدٸڭ قارجى جٷيەسٸندەگٸ ەڭ جوعارى قىزمەتتەردٸڭ بٸرٸ.
ول - مۇنداي مەملەكەتتٸك دەڭگەيدەگٸ قىزمەتكە ۇسىنىلعان العاشقى قازاقستاندىق ەيەل.
بٸر كەزدەرٸ باق-تا بٸرنەشە مەرتە جازىلعان امەريكاداعى قازاق قىزدارىنىڭ بٸرٸ - ەسەل تٶلەنوۆا. بۇعان دەيٸن ونىڭ اقش مەملەكەتتٸك دەپارتامەنتٸندە پروتوكول قىزمەتٸن باسقارعان ديپلومات ەكەنٸ ايتىلعان ەدٸ. ونىڭ الماتىنىڭ تۋماسى ەكەنٸ, Georgetown ۋنيۆەرسيتەتٸنٸڭ تٷلەگٸ ەكەنٸ تۋرالى اقپارات بار.
دەرەككە سٷيەنسەك, 2021–2022 جىلدارى اقش پرەزيدەنتٸ مەن ەلەم كٶشباسشىلارىنىڭ رەسمي كەزدەسۋلەرٸن ۇيىمداستىرۋعا جاۋاپتى تۇلعا بولعان.
