«Astana Media Week 2025» media aptalyǵy aiasynda QR Mádeniet jáne aqparat ministrligi men «Kcell» AQ yntymaqtastyq týraly memorandýmǵa qol qoidy, dep habarlaidy Dalanews.kz.
Qujat jýrnalisterdiń kásibiligin damytýǵa, halyqtyń mediasaýattylyq deńgeiin arttyrýǵa jáne eldiń media salasyna zamanaýi tsifrlyq tehnologiialar men jasandy intellekt quraldaryn engizýge baǵyttalǵan birlesken bastamalardy iske asyrýdy maqsat etedi.
«Salalyq jýrnalistika mamandaryn daiarlaýdyń ózekti tásilderi» atty dóńgelek ústel otyrysy aiasynda taraptar yntymaqtastyq bolashaǵyn talqylady. Is-shara kadrlardy daiarlaý júiesin jetildirý, memlekettik organdar, bilim berý uiymdary men media qaýymdastyq arasyndaǵy bailanysty nyǵaitý máselesine arnaldy.
Dóńgelek ústelge salalyq ministrlikterdiń, jetekshi joǵary oqý oryndarynyń ókilderi, ulttyq jáne óńirlik BAQ jáne ÚEU qatysty.
