«Astana Media Week 2025» مەديا اپتالىعى اياسىندا قر مەدەنيەت جەنە اقپارات مينيسترلٸگٸ مەن «Kcell» اق ىنتىماقتاستىق تۋرالى مەموراندۋمعا قول قويدى, دەپ حابارلايدى Dalanews.kz.
قۇجات جۋرناليستەردٸڭ كەسٸبيلٸگٸن دامىتۋعا, حالىقتىڭ مەدياساۋاتتىلىق دەڭگەيٸن ارتتىرۋعا جەنە ەلدٸڭ مەديا سالاسىنا زاماناۋي تسيفرلىق تەحنولوگييالار مەن جاساندى ينتەللەكت قۇرالدارىن ەنگٸزۋگە باعىتتالعان بٸرلەسكەن باستامالاردى ٸسكە اسىرۋدى ماقسات ەتەدٸ.
«سالالىق جۋرناليستيكا ماماندارىن دايارلاۋدىڭ ٶزەكتٸ تەسٸلدەرٸ» اتتى دٶڭگەلەك ٷستەل وتىرىسى اياسىندا تاراپتار ىنتىماقتاستىق بولاشاعىن تالقىلادى. ٸس-شارا كادرلاردى دايارلاۋ جٷيەسٸن جەتٸلدٸرۋ, مەملەكەتتٸك ورگاندار, بٸلٸم بەرۋ ۇيىمدارى مەن مەديا قاۋىمداستىق اراسىنداعى بايلانىستى نىعايتۋ مەسەلەسٸنە ارنالدى.
دٶڭگەلەك ٷستەلگە سالالىق مينيسترلٸكتەردٸڭ, جەتەكشٸ جوعارى وقۋ ورىندارىنىڭ ٶكٸلدەرٸ, ۇلتتىق جەنە ٶڭٸرلٸك باق جەنە ٷەۇ قاتىستى.
