Keshe Shymkentte memlekettik qyzmetshiden 10 mln teńge talap etken bloger ustaldy. Osy iske qatysty tyń derekter shyqty, dep habarlaidy Dalanews.kz.
Buǵan deiin Shymkentte sheneýnikten 10 million teńge bopsalaǵan jýrnalist ári bloger ustalǵan edi. Ol AMANAT partiiasynyń eks-qyzmetkeri bolýy múmkin ekeni aityldy.
"Ol Arai Esenbek bolyp shyqty, bir qyzyǵy Shymkent ákimdiginiń burynǵy baspasóz hatshysy", - dep jazdy Mihail Kozachkov.
Aldyn ala málimetke sáikes kúdikti ákimdik qyzmetkerinen 10 million teńge kóleminde aqsha talap etken.
"Ol bul somaǵa áleýmettik jelilerde memlekettik organdardyń qyzmetin qaralaityn materialdardy taratpaýǵa ýáde bergen. Bul jait boiynsha qylmystyq is qozǵaldy. Tergeý aiasynda kúdiktiniń turǵylyqty jeri men keńsesinde tintý júrgizilip, nátijesinde elektron qurylǵylar men ózge de zattai aiǵaqtar tárkilendi.
Kúdikti ýaqytsha ustaý izoliatoryna qamaýǵa alyndy. Qazir oqiǵanyń barlyq mán-jaiyn anyqtaýǵa baǵyttalǵan tergeý júrgizilip jatyr", - dedi IIM ókilderi keshe.
