كەشە شىمكەنتتە مەملەكەتتىك قىزمەتشىدەن 10 ملن تەڭگە تالاپ ەتكەن بلوگەر ۇستالدى. وسى ىسكە قاتىستى تىڭ دەرەكتەر شىقتى، دەپ حابارلايدى Dalanews.kz.
بۇعان دەيىن شىمكەنتتە شەنەۋنىكتەن 10 ميلليون تەڭگە بوپسالاعان جۋرناليست ءارى بلوگەر ۇستالعان ەدى. ول AMANAT پارتياسىنىڭ ەكس-قىزمەتكەرى بولۋى مۇمكىن ەكەنى ايتىلدى.
"ول اراي ەسەنبەك بولىپ شىقتى، ءبىر قىزىعى شىمكەنت اكىمدىگىنىڭ بۇرىنعى باسپا ءسوز حاتشىسى"، - دەپ جازدى ميحايل كوزاچكوۆ.
الدىن الا مالىمەتكە سايكەس كۇدىكتى اكىمدىك قىزمەتكەرىنەن 10 ميلليون تەڭگە كولەمىندە اقشا تالاپ ەتكەن.
"ول بۇل سوماعا الەۋمەتتىك جەلىلەردە مەملەكەتتىك ورگانداردىڭ قىزمەتىن قارالايتىن ماتەريالداردى تاراتپاۋعا ۋادە بەرگەن. بۇل جايت بويىنشا قىلمىستىق ءىس قوزعالدى. تەرگەۋ اياسىندا كۇدىكتىنىڭ تۇرعىلىقتى جەرى مەن كەڭسەسىندە ءتىنتۋ جۇرگىزىلىپ، ناتيجەسىندە ەلەكترون قۇرىلعىلار مەن وزگە دە زاتتاي ايعاقتار تاركىلەندى.
كۇدىكتى ۋاقىتشا ۇستاۋ يزولياتورىنا قاماۋعا الىندى. ءقازىر وقيعانىڭ بارلىق ءمان-جايىن انىقتاۋعا باعىتتالعان تەرگەۋ جۇرگىزىلىپ جاتىر"، - دەدى ءىىم وكىلدەرى كەشە.
