Niý-Iorkte ótken áigili Bill Farrell International 2025 týrnirinde qazaq balýany Nurjan Asan taǵy da el namysyn abyroimen qorǵap, kúmis medal iegeri atandy, dep habarlaidy Dalanews.kz.
Ol óz salmaǵynda (87 kg) birneshe amerikalyq qarsylasyn aiqyn basymdyqpen jeńip, finalǵa deiin súrinbei jetti. Sońǵy beldesýde upai sanymen utylǵanymen, Nurjannyń sheberligi men tabandylyǵy kórermender men sarapshylardyń joǵary baǵasyna ie boldy.
Jarysqa 30-dan astam elden 300-ge jýyq sportshy qatysqanyn eskersek, bul nátije – qazaq sportynyń órkendeýiniń aiqyn dáleli.
Bapkeri Rinat Ismailov shákirti týraly bylai deidi:
"Nurjan eshqashan berilmeidi. Álemniń qai túkpirinde kúresse de, onyń boiynan qazaq rýhynyń oty baiqalady".
T.Rysqulov aýdanynyń Kógershin aýylynda dúniege kelgen Nurjan — búgingi tańda Qazaqstannyń maqtanyshy. Ol 12 jyl boiy kúres ónerin ómirlik serigine ainaldyrǵan.
Sporttyq jetistikteri:
- 2021 — Sýrdlimpiada oiyndarynyń qola júldegeri
- 2022 — Álem chempiony
- 2023 — Aziia oiyndarynyń eki dúrkin jeńimpazy
- 2024 — Qazaqstan Respýblikasynyń eńbek sińirgen sport sheberi
Búginde Nurjan Asan AQSh pen Braziliiada sheberlik sabaqtaryn ótkizip, álem jastaryna qazaq kúresiniń rýhy men ónerin nasihattap júr.
"Men úshin basty jeńis - elimniń atyn álemge tanytý", - deidi sportshy.
