نيۋ-يوركتە ٶتكەن ەيگٸلٸ Bill Farrell International 2025 تۋرنيرٸندە قازاق بالۋانى نۇرجان اسان تاعى دا ەل نامىسىن ابىرويمەن قورعاپ, كٷمٸس مەدال يەگەرٸ اتاندى, دەپ حابارلايدى Dalanews.kz.
ول ٶز سالماعىندا (87 كگ) بٸرنەشە امەريكالىق قارسىلاسىن ايقىن باسىمدىقپەن جەڭٸپ, فينالعا دەيٸن سٷرٸنبەي جەتتٸ. سوڭعى بەلدەسۋدە ۇپاي سانىمەن ۇتىلعانىمەن, نۇرجاننىڭ شەبەرلٸگٸ مەن تاباندىلىعى كٶرەرمەندەر مەن ساراپشىلاردىڭ جوعارى باعاسىنا يە بولدى.
جارىسقا 30-دان استام ەلدەن 300-گە جۋىق سپورتشى قاتىسقانىن ەسكەرسەك, بۇل نەتيجە – قازاق سپورتىنىڭ ٶركەندەۋٸنٸڭ ايقىن دەلەلٸ.
باپكەرٸ رينات يسمايلوۆ شەكٸرتٸ تۋرالى بىلاي دەيدٸ:
"نۇرجان ەشقاشان بەرٸلمەيدٸ. ەلەمنٸڭ قاي تٷكپٸرٸندە كٷرەسسە دە, ونىڭ بويىنان قازاق رۋحىنىڭ وتى بايقالادى".
ت.رىسقۇلوۆ اۋدانىنىڭ كٶگەرشٸن اۋىلىندا دٷنيەگە كەلگەن نۇرجان — بٷگٸنگٸ تاڭدا قازاقستاننىڭ ماقتانىشى. ول 12 جىل بويى كٷرەس ٶنەرٸن ٶمٸرلٸك سەرٸگٸنە اينالدىرعان.
سپورتتىق جەتٸستٸكتەرٸ:
- 2021 — سۋردليمپيادا ويىندارىنىڭ قولا جٷلدەگەرٸ
- 2022 — ەلەم چەمپيونى
- 2023 — ازييا ويىندارىنىڭ ەكٸ دٷركٸن جەڭٸمپازى
- 2024 — قازاقستان رەسپۋبليكاسىنىڭ ەڭبەك سٸڭٸرگەن سپورت شەبەرٸ
بٷگٸندە نۇرجان اسان اقش پەن برازيلييادا شەبەرلٸك ساباقتارىن ٶتكٸزٸپ, ەلەم جاستارىنا قازاق كٷرەسٸنٸڭ رۋحى مەن ٶنەرٸن ناسيحاتتاپ جٷر.
"مەن ٷشٸن باستى جەڭٸس - ەلٸمنٸڭ اتىن ەلەمگە تانىتۋ", - دەيدٸ سپورتشى.
