Mádeniet jáne aqparat ministri Aida Balaeva otandyq kino salasynyń qazirgi jaǵdaiyna qatysty pikir bildirdi, dep habarlaidy Dalanews.kz.
"Mádeniet jáne aqparat ministrligine buqaralyq aqparat quraldarynan túrli baǵyttaǵy suraqtar jii túsedi. Sol saýaldardyń bir bóligi kino salasyna qatysty. Bul rette qazaqstandyqtardyń ulttyq mádeniet pen otandyq kinonyń damýyna beijai qaramaityny qýantady.
Keiingi jyldary kópshilik kórermenniń, sonyń ishinde sheteldik aýditoriianyń da qazaq filmderine degen yqylasy artyp keledi. Tek 2024 jyldyń ózinde ǵana otandyq filmder prokattan jiyrma eki milliard teńgeden astam tabys tapty. Bizdiń kartinalar halyqaralyq baiqaýlarda jii jeńiske jetip júr. Sońǵy bes jylda otandyq filmder úsh júzden astam festivalge qatysyp, júz jetpis jeti marapatqa ie boldy", - dedi ministr.
Biyl keiingi 30 jylda alǵash ret Qazaqstan Kann qalasynda ótken eń iri kinonaryqtardyń biri – Marché du Film alańynda óz stendin usynǵan. Bul – otandyq prodiýserler men distribiýtorlar úshin úlken jetistik.
"Sonymen qatar, biz "Eýraziia" halyqaralyq kinofestivalin qaita jańǵyrttyq. Bul naqty qadamdardyń biri dep bilemin.
Biraq biz úshin filmderimizdiń sheteldik festivalǵa ǵana emes, óz kórermenine de keńinen jetýi asa mańyzdy. Biyl elimizdiń kinoteatrlarynda "Tezek", "Feikovyi Arman", "Qaitadan" sekildi otandyq 10 film kórsetildi. Solardyń ishinde "Qaitadan" filmi prokatta 1 milliard teńgeden astam tabys taýyp, memleket salǵan qarajatty tolyq qaitardy. Bul – kino salasynda jańǵyrtýdaǵy baǵytymyzdyń durys ekeniniń bir dáleli.
Qazir kórermen kóbine jeńil janrdaǵy filmderdi tańdap, avtorlyq týyndylardy kóp kóre bermeidi. Sol sebepti endi jobalardy irikteý kezinde biz ideia jáne stsenariimen qatar, filmniń kórermenge qanshalyqty qyzyq bolatynyna da mán beremiz", - dedi Aida Balaeva.
2024 jyldan bastap memleket tarapynan qoldaý tapqan árbir film aldymen el kinoteatrlarynda kórsetilýge tiis degen mindetti shart engizilgen. Tek sodan keiin ǵana onlain-platformalarǵa shyǵarylady. Ministrdiń sózinshe, bul sheshim filmderdiń qoljetimdiligin arttyryp, kórermenmen bailanys ornatýǵa sebep bolady.
"Biz tarihi ári patriottyq baǵyttaǵy jobalardy da turaqty túrde qoldaimyz. Sonyń aiǵaǵy – jýyrda jaryq kórgen "Kapitan Baitasov" filmi. Bul týyndy – erlik, namys pen borysh aldyndaǵy adaldyq jaiynda tereń oiǵa jeteleidi. Halyq qaharmany, politsiia kapitany Ǵaziz Baitasovtyń erligine arnalǵan bul film kópshilikti izgi qundylyqtarǵa úndeidi.
Sondai-aq taǵy bir airyqsha joba – "Áliia" filmine toqtalyp ótkim keledi. "Microcosm Pictures" jaýapkershiligi shekteýli seriktestigimen birlesken joba byltyr Ulttyq kinony qoldaý ortalyǵy ótkizgen baiqaýda jeńimpaz atanǵan edi. Alaida prodakshn-kompaniia qarjylyq sebepterge bailanysty túsirýden bas tartty. Soǵan qaramastan, aldaǵy ýaqytta bul ideia qaita jandanyp, Áliia Moldaǵulova týraly film mindetti túrde kórermenderge jol tartady dep senemiz", - dedi ministr.
Sondai-aq, Aida Balaevanyń sózinshe, kino óndirisin barynsha ashyq ári zamanǵa sai etý maqsatynda e-Kino atty tsifrlyq platforma qurylyp jatyr. Onda filmderdiń túsirilimi, tabysy, kórermenniń sany siiaqty barlyq derek jinalady. Búginde elimizdegi kinoteatrlardyń jartysy osy júiege qosylǵan.
"Bul baǵytta jumys jalǵasýda. e-Kino júiesi naryqtaǵy naqty jaǵdaidy ashyq kórýge jol ashady. Naqty ózgerister óz nátijesin bere bastady. Nátijesinde memleket qoldaýyna ie bolǵan elý jeti jobanyń 40-y – jas rejisserlerdiń jumysy. Al qazaq tilindegi filmderdiń úlesi búginde 75 paiyzǵa jetti.
Kinematografiia týraly zańǵa engizilgen jańa túzetýler memleketke qarjylandyrýdyń 30 paiyzyn tikelei "Qazaqfilm" kinostýdiiasyna bólýge jol ashty. Bul – ulttyq kino indýstriiasynyń kóshbasshysy úshin úlken múmkindik. Búginde "Qazaqfilm" belsendi damyp, seriktestermen birlesip jumys istep, tehnikalyq múmkindikterin arttyryp keledi. Kinostýdiia ulttyq kino qoryn tsifrlandyrý jáne qalpyna keltirý jumystaryn júrgizýde. Sonymen birge "Qazaqanimatsiia" jobasy iske qosylyp, elimizde alǵash ret animatsiiany kreativti indýstriianyń bóligi retinde damytý tujyrymdamasy ázirlendi.
Bizdiń mindetimiz – shyǵarmashylyq erkindikke jaǵdai jasaý jáne avtor men kórermen arasynda senimdi dialog ornatý. Barlyq uiymdastyrýshylyq jáne tehnikalyq sheshimder ashyq ári zań aiasynda qabyldanady. Qazir Ulttyq kinony qoldaý ortalyǵyn "Qazaqfilm" kinostýdiiasymen biriktirý máselesi qarastyrylyp jatyr. Bul – óndiris protsesin jeńildetip, tiimdilikti arttyrýǵa baǵyttalǵan qadam. Mádeniet jáne aqparat ministrligi aldaǵy ýaqytta da otandyq kinony damytý baǵytyndaǵy jumysyn jalǵastyra beredi", - dedi Balaeva.
Ministrdiń sózinshe, qoǵam tarapynan túrli suraqtar jii túsedi.
"Solardyń keibiri qosymsha túsindirýdi qajet etedi. Mysaly, jaqynda kóp talqylanǵan taqyryptardyń biri – rejisser Rústem Omarovtyń "Ofsaid" atty serialynyń YouTube jelisinen óshirilip, avtordyń Instagram paraqshasynyń buǵattalýy boldy. Bul jaǵdaidyń jeke, iaǵni naqty bir akkaýntqa qatysty jait ekenin atap ótkim keledi. Mundai kezde akkaýnt iesi óz betimen onlain-platformanyń ákimshiligine habarlasyp, paraqshany qalpyna keltirý jáne sebepterin anyqtaý týraly ótinish bere alady.
Sonymen qatar, otandyq onlain-serialdar men beinejobalarda ádepsiz sózderdiń qoldanylýyna bailanysty da suraqtar kóterildi. Bul rette eskeretin jait – qazirgi zańnamada mundai áreket úshin naqty jaýapkershilik belgilengen. Iaǵni, qoǵamdyq oryndarda ádepsiz sóz aitý — usaq buzaqylyq dep tanylady. Ol úshin 20 ailyq eseptik kórsetkish kóleminde aiyppul salý, 20-dan 60 saǵatqa deiin qoǵamdyq jumystarǵa tartý nemese 5-ten 15 táýlikke deiin ákimshilik qamaýǵa alý jazasy qarastyrylǵan. Quzyrly organdar árbir osyndai jaǵdaidy jeke qarastyrady. Biyl jyl basynan beri internettegi monitoring nátijesinde osyndai elýden astam quqyqbuzýshylyq anyqtalyp, olardyń barlyǵy boiynsha Ishki ister ministrligine tiisti habarlama joldandy.
Biz árdaiym ashyqtyqty, shyǵarmashylyq erkindikti jáne kórermenge degen jaýapkershilikti basty maqsat etemiz. Kino men media salasynyń damýy qoǵamǵa, mádenietke jáne bárimizdi biriktiretin ortaq qundylyqtarǵa qurmetpen qaraýǵa negizdelýi tiis. Birlesken jumystar nátijesinde otandyq kino budan da biik belesterdi baǵyndyra beredi dep senemiz!" - dep túiindedi ol.
