مەدەنيەت جەنە اقپارات مينيسترٸ ايدا بالاەۆا وتاندىق كينو سالاسىنىڭ قازٸرگٸ جاعدايىنا قاتىستى پٸكٸر بٸلدٸردٸ, دەپ حابارلايدى Dalanews.kz.
"مەدەنيەت جەنە اقپارات مينيسترلٸگٸنە بۇقارالىق اقپارات قۇرالدارىنان تٷرلٸ باعىتتاعى سۇراقتار جيٸ تٷسەدٸ. سول ساۋالداردىڭ بٸر بٶلٸگٸ كينو سالاسىنا قاتىستى. بۇل رەتتە قازاقستاندىقتاردىڭ ۇلتتىق مەدەنيەت پەن وتاندىق كينونىڭ دامۋىنا بەيجاي قارامايتىنى قۋانتادى.
كەيٸنگٸ جىلدارى كٶپشٸلٸك كٶرەرمەننٸڭ, سونىڭ ٸشٸندە شەتەلدٸك اۋديتورييانىڭ دا قازاق فيلمدەرٸنە دەگەن ىقىلاسى ارتىپ كەلەدٸ. تەك 2024 جىلدىڭ ٶزٸندە عانا وتاندىق فيلمدەر پروكاتتان جيىرما ەكٸ ميلليارد تەڭگەدەن استام تابىس تاپتى. بٸزدٸڭ كارتينالار حالىقارالىق بايقاۋلاردا جيٸ جەڭٸسكە جەتٸپ جٷر. سوڭعى بەس جىلدا وتاندىق فيلمدەر ٷش جٷزدەن استام فەستيۆالگە قاتىسىپ, جٷز جەتپٸس جەتٸ ماراپاتقا يە بولدى", - دەدٸ مينيستر.
بيىل كەيٸنگٸ 30 جىلدا العاش رەت قازاقستان كانن قالاسىندا ٶتكەن ەڭ ٸرٸ كينونارىقتاردىڭ بٸرٸ – Marché du Film الاڭىندا ٶز ستەندٸن ۇسىنعان. بۇل – وتاندىق پروديۋسەرلەر مەن ديستريبيۋتورلار ٷشٸن ٷلكەن جەتٸستٸك.
"سونىمەن قاتار, بٸز "ەۋرازييا" حالىقارالىق كينوفەستيۆالٸن قايتا جاڭعىرتتىق. بۇل ناقتى قادامداردىڭ بٸرٸ دەپ بٸلەمٸن.
بٸراق بٸز ٷشٸن فيلمدەرٸمٸزدٸڭ شەتەلدٸك فەستيۆالعا عانا ەمەس, ٶز كٶرەرمەنٸنە دە كەڭٸنەن جەتۋٸ اسا ماڭىزدى. بيىل ەلٸمٸزدٸڭ كينوتەاترلارىندا "تەزەك", "فەيكوۆىي ارمان", "قايتادان" سەكٸلدٸ وتاندىق 10 فيلم كٶرسەتٸلدٸ. سولاردىڭ ٸشٸندە "قايتادان" فيلمٸ پروكاتتا 1 ميلليارد تەڭگەدەن استام تابىس تاۋىپ, مەملەكەت سالعان قاراجاتتى تولىق قايتاردى. بۇل – كينو سالاسىندا جاڭعىرتۋداعى باعىتىمىزدىڭ دۇرىس ەكەنٸنٸڭ بٸر دەلەلٸ.
قازٸر كٶرەرمەن كٶبٸنە جەڭٸل جانرداعى فيلمدەردٸ تاڭداپ, اۆتورلىق تۋىندىلاردى كٶپ كٶرە بەرمەيدٸ. سول سەبەپتٸ ەندٸ جوبالاردى ٸرٸكتەۋ كەزٸندە بٸز يدەيا جەنە ستسەنارييمەن قاتار, فيلمنٸڭ كٶرەرمەنگە قانشالىقتى قىزىق بولاتىنىنا دا مەن بەرەمٸز", - دەدٸ ايدا بالاەۆا.
2024 جىلدان باستاپ مەملەكەت تاراپىنان قولداۋ تاپقان ەربٸر فيلم الدىمەن ەل كينوتەاترلارىندا كٶرسەتٸلۋگە تيٸس دەگەن مٸندەتتٸ شارت ەنگٸزٸلگەن. تەك سودان كەيٸن عانا ونلاين-پلاتفورمالارعا شىعارىلادى. مينيستردٸڭ سٶزٸنشە, بۇل شەشٸم فيلمدەردٸڭ قولجەتٸمدٸلٸگٸن ارتتىرىپ, كٶرەرمەنمەن بايلانىس ورناتۋعا سەبەپ بولادى.
"بٸز تاريحي ەرٸ پاتريوتتىق باعىتتاعى جوبالاردى دا تۇراقتى تٷردە قولدايمىز. سونىڭ ايعاعى – جۋىردا جارىق كٶرگەن "كاپيتان بايتاسوۆ" فيلمٸ. بۇل تۋىندى – ەرلٸك, نامىس پەن بورىش الدىنداعى ادالدىق جايىندا تەرەڭ ويعا جەتەلەيدٸ. حالىق قاھارمانى, پوليتسييا كاپيتانى عازيز بايتاسوۆتىڭ ەرلٸگٸنە ارنالعان بۇل فيلم كٶپشٸلٸكتٸ ٸزگٸ قۇندىلىقتارعا ٷندەيدٸ.
سونداي-اق تاعى بٸر ايرىقشا جوبا – "ەلييا" فيلمٸنە توقتالىپ ٶتكٸم كەلەدٸ. "Microcosm Pictures" جاۋاپكەرشٸلٸگٸ شەكتەۋلٸ سەرٸكتەستٸگٸمەن بٸرلەسكەن جوبا بىلتىر ۇلتتىق كينونى قولداۋ ورتالىعى ٶتكٸزگەن بايقاۋدا جەڭٸمپاز اتانعان ەدٸ. الايدا پروداكشن-كومپانييا قارجىلىق سەبەپتەرگە بايلانىستى تٷسٸرۋدەن باس تارتتى. سوعان قاراماستان, الداعى ۋاقىتتا بۇل يدەيا قايتا جاندانىپ, ەلييا مولداعۇلوۆا تۋرالى فيلم مٸندەتتٸ تٷردە كٶرەرمەندەرگە جول تارتادى دەپ سەنەمٸز", - دەدٸ مينيستر.
سونداي-اق, ايدا بالاەۆانىڭ سٶزٸنشە, كينو ٶندٸرٸسٸن بارىنشا اشىق ەرٸ زامانعا ساي ەتۋ ماقساتىندا ە-كينو اتتى تسيفرلىق پلاتفورما قۇرىلىپ جاتىر. وندا فيلمدەردٸڭ تٷسٸرٸلٸمٸ, تابىسى, كٶرەرمەننٸڭ سانى سيياقتى بارلىق دەرەك جينالادى. بٷگٸندە ەلٸمٸزدەگٸ كينوتەاترلاردىڭ جارتىسى وسى جٷيەگە قوسىلعان.
"بۇل باعىتتا جۇمىس جالعاسۋدا. ە-كينو جٷيەسٸ نارىقتاعى ناقتى جاعدايدى اشىق كٶرۋگە جول اشادى. ناقتى ٶزگەرٸستەر ٶز نەتيجەسٸن بەرە باستادى. نەتيجەسٸندە مەملەكەت قولداۋىنا يە بولعان ەلۋ جەتٸ جوبانىڭ 40-ى – جاس رەجيسسەرلەردٸڭ جۇمىسى. ال قازاق تٸلٸندەگٸ فيلمدەردٸڭ ٷلەسٸ بٷگٸندە 75 پايىزعا جەتتٸ.
كينەماتوگرافييا تۋرالى زاڭعا ەنگٸزٸلگەن جاڭا تٷزەتۋلەر مەملەكەتكە قارجىلاندىرۋدىڭ 30 پايىزىن تٸكەلەي "قازاقفيلم" كينوستۋديياسىنا بٶلۋگە جول اشتى. بۇل – ۇلتتىق كينو يندۋستريياسىنىڭ كٶشباسشىسى ٷشٸن ٷلكەن مٷمكٸندٸك. بٷگٸندە "قازاقفيلم" بەلسەندٸ دامىپ, سەرٸكتەستەرمەن بٸرلەسٸپ جۇمىس ٸستەپ, تەحنيكالىق مٷمكٸندٸكتەرٸن ارتتىرىپ كەلەدٸ. كينوستۋدييا ۇلتتىق كينو قورىن تسيفرلاندىرۋ جەنە قالپىنا كەلتٸرۋ جۇمىستارىن جٷرگٸزۋدە. سونىمەن بٸرگە "قازاقانيماتسييا" جوباسى ٸسكە قوسىلىپ, ەلٸمٸزدە العاش رەت انيماتسييانى كرەاتيۆتٸ يندۋسترييانىڭ بٶلٸگٸ رەتٸندە دامىتۋ تۇجىرىمداماسى ەزٸرلەندٸ.
بٸزدٸڭ مٸندەتٸمٸز – شىعارماشىلىق ەركٸندٸككە جاعداي جاساۋ جەنە اۆتور مەن كٶرەرمەن اراسىندا سەنٸمدٸ ديالوگ ورناتۋ. بارلىق ۇيىمداستىرۋشىلىق جەنە تەحنيكالىق شەشٸمدەر اشىق ەرٸ زاڭ اياسىندا قابىلدانادى. قازٸر ۇلتتىق كينونى قولداۋ ورتالىعىن "قازاقفيلم" كينوستۋديياسىمەن بٸرٸكتٸرۋ مەسەلەسٸ قاراستىرىلىپ جاتىر. بۇل – ٶندٸرٸس پروتسەسٸن جەڭٸلدەتٸپ, تيٸمدٸلٸكتٸ ارتتىرۋعا باعىتتالعان قادام. مەدەنيەت جەنە اقپارات مينيسترلٸگٸ الداعى ۋاقىتتا دا وتاندىق كينونى دامىتۋ باعىتىنداعى جۇمىسىن جالعاستىرا بەرەدٸ", - دەدٸ بالاەۆا.
مينيستردٸڭ سٶزٸنشە, قوعام تاراپىنان تٷرلٸ سۇراقتار جيٸ تٷسەدٸ.
"سولاردىڭ كەيبٸرٸ قوسىمشا تٷسٸندٸرۋدٸ قاجەت ەتەدٸ. مىسالى, جاقىندا كٶپ تالقىلانعان تاقىرىپتاردىڭ بٸرٸ – رەجيسسەر رٷستەم وماروۆتىڭ "وفسايد" اتتى سەريالىنىڭ YouTube جەلٸسٸنەن ٶشٸرٸلٸپ, اۆتوردىڭ Instagram پاراقشاسىنىڭ بۇعاتتالۋى بولدى. بۇل جاعدايدىڭ جەكە, ياعني ناقتى بٸر اككاۋنتقا قاتىستى جايت ەكەنٸن اتاپ ٶتكٸم كەلەدٸ. مۇنداي كەزدە اككاۋنت يەسٸ ٶز بەتٸمەن ونلاين-پلاتفورمانىڭ ەكٸمشٸلٸگٸنە حابارلاسىپ, پاراقشانى قالپىنا كەلتٸرۋ جەنە سەبەپتەرٸن انىقتاۋ تۋرالى ٶتٸنٸش بەرە الادى.
سونىمەن قاتار, وتاندىق ونلاين-سەريالدار مەن بەينەجوبالاردا ەدەپسٸز سٶزدەردٸڭ قولدانىلۋىنا بايلانىستى دا سۇراقتار كٶتەرٸلدٸ. بۇل رەتتە ەسكەرەتٸن جايت – قازٸرگٸ زاڭنامادا مۇنداي ەرەكەت ٷشٸن ناقتى جاۋاپكەرشٸلٸك بەلگٸلەنگەن. ياعني, قوعامدىق ورىنداردا ەدەپسٸز سٶز ايتۋ — ۇساق بۇزاقىلىق دەپ تانىلادى. ول ٷشٸن 20 ايلىق ەسەپتٸك كٶرسەتكٸش كٶلەمٸندە ايىپپۇل سالۋ, 20-دان 60 ساعاتقا دەيٸن قوعامدىق جۇمىستارعا تارتۋ نەمەسە 5-تەن 15 تەۋلٸككە دەيٸن ەكٸمشٸلٸك قاماۋعا الۋ جازاسى قاراستىرىلعان. قۇزىرلى ورگاندار ەربٸر وسىنداي جاعدايدى جەكە قاراستىرادى. بيىل جىل باسىنان بەرٸ ينتەرنەتتەگٸ مونيتورينگ نەتيجەسٸندە وسىنداي ەلۋدەن استام قۇقىقبۇزۋشىلىق انىقتالىپ, ولاردىڭ بارلىعى بويىنشا ٸشكٸ ٸستەر مينيسترلٸگٸنە تيٸستٸ حابارلاما جولداندى.
بٸز ەردايىم اشىقتىقتى, شىعارماشىلىق ەركٸندٸكتٸ جەنە كٶرەرمەنگە دەگەن جاۋاپكەرشٸلٸكتٸ باستى ماقسات ەتەمٸز. كينو مەن مەديا سالاسىنىڭ دامۋى قوعامعا, مەدەنيەتكە جەنە بەرٸمٸزدٸ بٸرٸكتٸرەتٸن ورتاق قۇندىلىقتارعا قۇرمەتپەن قاراۋعا نەگٸزدەلۋٸ تيٸس. بٸرلەسكەن جۇمىستار نەتيجەسٸندە وتاندىق كينو بۇدان دا بيٸك بەلەستەردٸ باعىندىرا بەرەدٸ دەپ سەنەمٸز!" - دەپ تٷيٸندەدٸ ول.
