Psihikalyq densaýlyq ortalyǵynan shyqqan Aqbaian Muqanǵalieva qazirgi ýaqytta týystarynyń úiinde turyp, emin jalǵastyryp júr. Ol ata-anasy men baýyrlarynan aiyrylǵanyn áli bilmeidi, dep habarlaidy dalanews.kz.
"Aq Jaiyq" basylymynyń málimetinshe, Aqbaian jaqyndarynyń baqylaýynda jáne ońaltý ortalyǵyna baryp, em qabyldap júr.
Qazir ol balalarymen jii kezdesip, ýaqyt ótkizedi. Týystarynyń aitýynsha, bul onyń emotsionaldyq jaǵdaiyna oń áser etip, qalpyna kelýine kómektesip jatyr.
Alaida otbasy músheleriniń qaza bolǵany týraly aýyr habardy oǵan ázirge aitpaǵan. Jaqyndary bul aqparat onyń jaǵdaiyn kúrt nasharlatyp jiberýi múmkin dep qaýiptenip otyr.
Sondyqtan týystary Aqbaiannyń mundai habardy qabyldaýǵa psihologiialyq turǵyda daiyn bolatyn ýaqytyn kútpek.
Eske salaiyq, buǵan deiin Atyraýda Aqbaian Muqanǵalievanyń ata-anasy men baýyrlarynyń qaza tabýyna qatysty qylmystyq is qozǵalǵan bolatyn. Basylym málimetinshe, tergeýde onyń burynǵy kúieýi Sultan Sársemalievke qatysty nusqa qarastyrylyp jatyr.
