Pavlodarda qurylys jumystary kezinde úiindi astynda qalǵan er adam óli tabyldy, dep habarlaidy Dalanews.kz.
7 qarashada 112-ge Kazahstanskaia pravda kóshesinde salynyp jatqan ǵimarattyń qurylys alańynda plita qulaǵany týraly habarlama túsken. Alǵashynda úiindi astynda 1967 jyly týǵan er adam bolýy múmkin ekeni aitylǵan.
Oqiǵa ornyna Pavlodar oblysy TJD kúshteri men quraldary jetken.
Búgin joǵalǵan adamnyń ornalasqan jeri anyqtalǵan. Tańerteń qutqarýshylar deneni úiindi astynan alyp shyqqan.
Politsiia "Qurylys jumystary kezinde qaýipsizdik erejelerin buzý" baby boiynsha qylmystyq is qozǵady.
