پاۆلوداردا قۇرىلىس جۇمىستارى كەزىندە ءۇيىندى استىندا قالعان ەر ادام ءولى تابىلدى، دەپ حابارلايدى Dalanews.kz.
7 قاراشادا 112-گە كازاحستانسكايا پراۆدا كوشەسىندە سالىنىپ جاتقان عيماراتتىڭ قۇرىلىس الاڭىندا پليتا قۇلاعانى تۋرالى حابارلاما تۇسكەن. العاشىندا ءۇيىندى استىندا 1967 جىلى تۋعان ەر ادام بولۋى مۇمكىن ەكەنى ايتىلعان.
وقيعا ورنىنا پاۆلودار وبلىسى تجد كۇشتەرى مەن قۇرالدارى جەتكەن.
بۇگىن جوعالعان ادامنىڭ ورنالاسقان جەرى انىقتالعان. تاڭەرتەڭ قۇتقارۋشىلار دەنەنى ءۇيىندى استىنان الىپ شىققان.
پوليسيا "قۇرىلىس جۇمىستارى كەزىندە قاۋىپسىزدىك ەرەجەلەرىن بۇزۋ" بابى بويىنشا قىلمىستىق ءىس قوزعادى.
