Áıelderge, jańa týǵan nárestelerge medısınalyq kómektiń sapasyn arttyrý jáne qoljetimdilikti qamtamasyz etý maqsatynda bosandyrý qyzmetterin 3 aýyldyq medısınalyq uıym úshin İ deńgeıge, 9 aýdandyq jáne 2 aýdanaralyq aýrýhana úshin İ deńgeıden İİ deńgeıge aýystyrý josparlanǵan. Qabyldanǵan bul sharalar bosaný prosesi kúrdeli áıelder men 1500 gram salmaqtaǵy balalardy jergilikti jerde sapaly medısıanlyq kútim kórsetýge múmkindik beredi.
Sondaı-aq, İİİ deńgeıdegi perzenthanalardyń jabdyqtary jańartylady, munda balalardy 500 gramnan bastap kútýge múmkindik beredi. Bul isti júzege asyrýǵa 4,1 mlrd teńge bólinip, qajetti medısınalyq jabdyqtar satyp alynǵan. Onyń ishinde 3,3 mlrd teńge ana men bala salasyn damytýǵa baǵyttalady.
Sonymen qatar, oblys ortalyǵynda balalar men eresekterge arnalǵan mamandandyrylǵan gematologıa ortalyǵynyń qurylysy jalǵasatynyn esepti kezdesýde ákim tilge tıek etti. Osylaısha, gematologıa, ıadrolyq medısına, robottandyrylǵan hırýrgıa ortalyqtaryn biryńǵaı júıege biriktirilip, medısınalyq týrızmdi damytýǵa negiz bolatyn qýatty medısınalyq klaster qurylatyn bolady.
Aǵymdaǵy jyly, SHQO Densaýlyq saqtaý basqarmasyna mamandardy oqytýdyń aldaǵy úsh jylǵa arnalǵan úsh deńgeıli baǵdarlamasyn daıyndaý, Semeı qalasynda jedel medısınalyq járdem aýrýhanasyn halyqaralyq JCI standartyna sáıkes atestattaýǵa kirisý mindetin qoıylyp otyr.
Iadrolyq medısına ortalyǵynyń bazasynda aǵymdaǵy jyldyń ekinshi jartysynan bastap radıoıodterapıa júrgize otyryp, Radıonýklıdtik terapıa bólimshesin ashý tarsyryldy.
