Elimiz boiynsha mektepterdi kompiýterlik tehnikamen qamtamasyz etýdiń ortasha kórsetkishi 11 oqýshyny quraitynyn eskersek, bul baǵytta ShQO-da aýyz toltyryp aitatyndai jumystar atqarylǵanyn baiqaýǵa bolady.
Abai aýdanynyń Qaraýyl, Tarbaǵatai aýdanynyń Aqjar, Óskemen qalasynyń Ahmer aýylynda 3 jańa mektep ashylǵan.
Budan basqa óńirde 2100 oryndyq 3 mekteptiń qurylysy jalǵasýda. Olar – Ridder qalasynda (600 oryndyq), Semei qalasynyń Vostochnyi jáne Stepnoi kentterinde (1200 oryndyq jáne 300 oryndyq). Sonymen qatar, ótken jyly alǵash ret jańa oqý jylyna qarai 394 bilim berý nysany jóndelgenin atap ótý qajet.
– Biyl kóptildi bilim berýdi engizý baǵdarlamasynyń jańa kezeńi bastaldy jáne ol úshin 1 mlrd teńge qarastyrylǵan. Birinshi kezeń boiynsha 3,7 myń muǵalim tilderdi oqytý ádistemesin meńgerý deńgeiin 14%-dan 89%-ǵa deiin kóterdi, bul oqýshylardyń bilim sapasynyń ortasha kórsetkishin 20%-dan 53%-ǵa deiin arttyrdy. Aǵymdaǵy jyly taǵy 1,3 myń til mamandary biliktilikti arttyrýdan ótedi. Sondai-aq, oblystyń barlyq mektepteriniń IT synyptarynda algoritmdik oilaý men zamanaýi kompiýterlik júieler damytý úshin ártúrli baǵdarlamalaý tilderinde tsifrlyq ónimderdi jasaýdyń tereńdetilgen baǵdarlamasyn engizý jalǵastyrylady, – dep atap ótti oblys ákimi Danial Ahmetov.
Sońǵy 2 jylda 2 myńnan astam pedagog baǵdarlamalaý (Python, Flask), robototehnika (Arduino, IoT) jáne 3D modeldeý (Blender) boiynsha daiarlyqtan ótken.
Aǵymdaǵy jyly oblys mektepteri didaktikalyq elektrondy materialdarmen, Robot-konstrýktorlarmen, drondarmen jaraqtandyrylatyn bolady. Jańa jabdyqtarmen jumys isteý úshin 600 informatika jáne fizika muǵalimderin kýrstyq daiarlaý qarastyrylǵan.
Óńir basshysynyń tapsyrmasy boiynsha bir ai merzimde jastardy qoldaý baǵdarlamasy ázirlenedi. Sondai-aq, «Jas Maman» kásiptik-tehnikalyq bilim berý júiesin damytý boiynsha jumystar jalǵasýda.
Bul baǵytta 5 bazalyq kolledj janynan quzyrettilik ortalyqtary qurylyp, jumys isteýde. Aǵymdaǵy jyly taǵy da osyndai 5 ortalyq ashylady. Danial Ahmetovtiń aitýynsha, «Bilikti maman» jobasy da sátti júzege asyp, 5 jyl ishinde túlekterdiń sheteldik joǵary oqý oryndaryna ketý deńgeii 4,5 ese qysqarǵan.
Ótken jyly óńirde sporttyq infraqurylymnyń 6 nysany salyndy, onyń ishinde 4 DSK jáne 2 bassein. Aǵymdaǵy jyly 13 dene shynyqtyrý-saýyqtyrý kesheni jáne 2 sport modýli boi kóteredi. 2020-2021 jyldary barlyǵy 21 sport nysany iske qosylady, onyń ishinde burynǵy 9 aýdan ortalyǵynda balalar sport mektepteri ashylady.
