Oblys ákiminiń esebi óńir basshysynyń resmi akkaýnttary arqyly áleýmettik jelilerde, sondai-aq «Altai» jáne «Semei» telearnalarynda tikelei efirde kórsetildi.
2020 jylǵy jumys qorytyndylarǵa nazar aýdarǵan jan Shyǵys Qazaqstan oblysynyń negizgi strategiialyq maqsattardy tabysty iske asyrý isi jalǵasatynyn baiqaýǵa bolady. Óz keziginde óńir basshysy Danial Ahmetov koronavirýs pandemiiasyna qaramastan, ótken jyldyń áleýmettik-ekonomikalyq kórsetkishteri oń dinamikaǵa ie ekenin atap ótti.
Investitsiialar kólemi 112%-ǵa, qurylys jumystary – 127%-ǵa, ónerkásiptik óndiris – 101,5%-ǵa, aýyl sharýashylyǵy – 102,6%-ǵa ósken. Turǵyn úi salasyndaǵy kórsetkish 118%-ǵa artyp, 520 myń sharshy metrden astam baspana paidalanýǵa berildi. Al jumyssyzdyq deńgeii 4,9%-dan aspaǵan (QR boiynsha-5%).
– Ótken jyly oblystyń meditsinalyq mekemeleriniń materialdyq-tehnikalyq bazasyn nyǵaitý úshin qosymsha 174 ÓJJ apparaty, onyń ishinde 2 balalar (CPAP), 10 rentgen-apparaty, 3 EKMO, 3 kompiýterlik tomograf, zamanaýi tehnikamen jabdyqtalǵan 216 jedel járdem avtomobili satyp alyndy. Jalpy, óńirdiń densaýlyq saqtaý salasyn damytýǵa ótken jyly 37,3 mlrd teńge jumsaldy.
Sonymen qatar, naýqasty emdeitin jabdyqtar men tósek oryndar emes ekenine kózimiz jetti. Bul aq halatty abzal jandardyń eńbegi. Biz oblystyń meditsina qoǵamdastyǵyna, ózderiniń kásibi mindetterin adal oryndaityn, pandemiiamen kúrestiń aldyńǵy qatarynda turǵan barlyq mamandarǵa rizashylyǵymyzdy bildiremiz, – dedi Danial Ahmetov.
