Búgin Abai oblysynyń ákimi Berik Ýáli Semei meditsina ýniversitetine baryp, oqý ornynyń qyzmetimen tanysty, - dep habarlaidy Dalanews.kz
Qazirgi tańda ýniversitette 6 myńnan astam stýdent oqidy. Oqý ornyna qarasty filialdardy qosa alǵanda 3167 adam jumys isteidi, 400-den astam professor-oqytýshy qyzmet etedi. Olardyń ishinde 35 ǵylym doktory, 133 ǵylym kandidaty, PhD doktorlar men tájiribeli meditsina mamandary bar. Ýniversitet quramynda 60-qa jýyq kafedra men ǵylymi-zertteý bólimsheleri jumys isteidi.
Oqý orny halyqaralyq seriktestikke basymdyq beredi. Álemniń 70-ten astam jetekshi ýniversitetterimen bailanys ornatqan. Sheteldik stýdentter qatary jyl saiyn artyp keledi. Qazirgi tańda 10-nan astam eldiń 500-ge jýyq azamaty osynda oqyp júr.
Oblys ákimi ýniversitettiń bas korpýsyndaǵy mýzeidi, kitaphanany, virtýaldy beinestýdiia zaldaryn aralap, ardager ustazdarmen, oqytýshylarmen, stýdenttermen kezdesti.
Oqý ornynyń rektory aimaq basshysyna «Tsifrlyq ýniversitet» jobasyn tanystyrdy.
Aimaq basshysy ýniversitet janyndaǵy 465 oryndyq gospitalde boldy. Munda jyl saiyn 20 myńnan astam naýqas emdelip, 37 myńǵa jýyq azamat ambýlatoriialyq kómek alady.
Aimaq basshysy meditsinalyq mekemedegi kompiýterlik tomograf, angiograf qurylǵylarynyń, operatsiialyq bloktardyń jumysymen tanysyp, telemeditsina ortalyǵy men balalar statsionaryn aralady. Pediatriia bóliminde emdelip jatqan balalardyń hal-jaǵdaiyn bilip, olarǵa syilyqtar usyndy. Ýniversitettik gospitalde birqatar ózekti máseleler bar. Ǵimarattyń shatyry, ishki bólmeleri men injenerlik jelileri, kompiýterlik tomograf jańartýdy qajet etedi. Qazan aiynan sáýirge deiingi epidemiialyq maýsymda balalarǵa arnalǵan pýlmonologiialyq tósek oryndary jetispeidi.
Neirohirýrgiia jáne nevrologiia bólimderinde emdelýshi sany kóp bolǵandyqtan oryn tapshylyǵy seziledi. Ýniversitet rektory Altai Dúsipov oblys ákimine gospital janyndaǵy Densaýlyq saqtaý basqarmasyna qarasty bos turǵan úsh qabatty ǵimaratty jańǵyrtyp, neiroinsýlt ortalyǵyna ainaldyrý týraly usynysyn jetkizdi.
Aimaq basshysy Semei meditsina ýniversitetiniń óńirdiń densaýlyq saqtaý salasynda alatyn orny zor ekenin atap ótti.
«Semei meditsina ýniversiteti – aimaqqa ǵana emes, elimizge meditsinalyq kadr daiarlap otyrǵan jetekshi oqý oryndarynyń biri. Túlekteri Almaty, Astana qalalaryndaǵy respýblikalyq densaýlyq saqtaý nysandarynda jumys istep júr. Bilim ordasynyń klinikalyq bazasy, ǵylymi áleýeti men infraqurylymy aimaq meditsinasynyń damýyna tikelei áser etedi. Búgin arnaiy kelip, ýniversitettiń tynys-tirshiligimen, atqarylǵan jumystarmen, joba-josparlarmen tanystym. Osy baǵyttaǵy jumysty jalǵastyrý kerek. Abai oblysynda júrek-qan tamyrlary aýrýlary boiynsha kórsetkish óte joǵary. Sondyqtan neiroinsýlt ortalyǵyn ashý bastamasyn qoldaimyn. Ákimdik tarapynan tiisti qoldaý kórsetemiz. Birlesip jumys isteitin bolamyz», - dedi oblys ákimi.
