Astanada ruqsat etilmegen qoqystardy joiý jumysy júrip jatyr. Qalanyń ár aýdanynda zań buzýshylyqtardy anyqtaý úshin turaqty monitoring júrgiziledi, dep habarlaidy Dalanews.kz elorda ákimdiginiń baspasóz qyzmetine silteme jasap.
Stihiialyq poligondarmen kúres tek joiý arqyly ǵana emes, sonymen birge kúsheitilgen baqylaý jáne quqyq buzýshylardy jaýapqa tartý arqyly da júzege asyrylady. Qalada mobildi toptar men buzýshylyqtardy tirkeitin iKomek júiesi belsendi jumys isteidi.
2025 jyldyń basynan beri Baiqońyr aýdanynda 7 ruqsat etilmegen qoqys orny anyqtalyp, tazartyldy, ol oryndardan 230 tonna qoqys shyǵaryldy. Saryarqa aýdanynda da osy jyldyń alǵashqy ailarynda 7 ruqsat etilmegen qoqys orny anyqtaldy, onyń 6-aýy joiyldy. Jumys barysynda 115 tonnadan astam qurylys jáne turmystyq qaldyqtar shyǵaryldy. Aýa raiy jylynǵan ýaqyttan bastap Esil aýdanynda 2000 tonna qoqys shyǵaryldy.
Saraishyq aýdanynda sáýir aiynyń sońyna deiin 4 ýchaskeni joiý josparlanǵan. Mysaly, atalmysh aýdanda dron kómegimen zańbuzýshylyq anyqtaldy. Las sýdy tógý sáti dron kómegimen anyqtaldy, bul keiinnen málimetter (tehnikanyń memlekettik nómiri) odan ári sheshim qabyldaý úshin quqyq qorǵaý organdaryna jiberildi. Aýdan ákimdigi men ekologiialyq politsiia qyzmetkerleriniń úilesimdi jumysynyń arqasynda zańbuzýshy 20 minýt ishinde anyqtaldy. Aita ketý kerek, arnaiy tehnikanyń júrgizýshisi las sýdy tókkeni jáne qorshaǵan ortany lastaǵany úshin birneshe ret jaýapqa tartyldy. Júrgizýshige 145 484 teńge aiyppul salyndy. Tehnika aiyp turaǵyna qoiyldy.
2025 jyly Nura aýdanynda 4 orynnan 57 tonna qoqys shyǵaryldy. Merdiger uiymdardyń kúshteri Turan, Uly dala dańǵyldarynyń jáne Sh.Aitmatov kósheleriniń boiyndaǵy ýchaskelerge jumyldyryldy. Qalalyq senbilikter kezinde ruqsat etilmegen poligondardy joiý jumysyna qurylys kompaniialaryn tartý josparlanyp otyr. Júrgizilgen monitoring barysynda Almaty aýdanynda ruqsat etilmegen qoqys úiindileri anyqtalǵan joq.
Budan basqa, kommýnaldyq qaldyqtardy anyqtaý úshin tsifrlyq kartany engizý jáne qoqysty shyǵarý marshrýttaryn ońtailandyrý úshin jasandy intellektti paidalaný josparlanyp otyr. Bul qoqystardyń shyǵarylýyn baqylaýǵa jáne poligondardyń aldyn alýǵa múmkindik beredi.
Esterińizge sala keteiik, osy jyldyń 13 naýryzynda «Ákimshilik quqyq buzýshylyq týraly» Qazaqstan Respýblikasy kodeksiniń 344-babyna ózgerister engizildi, oǵan sáikes belgilenbegen oryndarda qoqys tastaǵany úshin jaza kúsheitildi.
