Ózbekstannyń astanasy Tashkentte er adam óz áielin óltirýge tapsyrys bergeni týraly derek tarady, dep habarlaidy dalanews.kz.
Áleýmettik jelilerde jariialanǵan málimetterge sáikes, er adam uzaq ýaqyt boiy eki áielmen qatar ómir súrgen. Alaida birinshi áieli onyń ekinshi otbasy bar ekenin bilgennen keiin otbasyndaǵy jaǵdai kúrt shielenisken.
«Tashkentte er adam killerge óz áielin óltirýge tapsyrys bergen», – delingen taraǵan aqparatta.
Aldyn ala málimet boiynsha, er adam janjaldan keiin qylmystyq jospar quryp, áielin joiý úshin úshinshi tulǵalardy tartqan. Qazir bul is quqyq qorǵaý organdarynyń qaraýynda ekeni habarlanyp otyr.
«Er adam eki otbasy arasynda ómir súrgen, al birinshi áieli onyń ekinshi áieli bar ekenin bilgen», – dep jazylǵan aqparatta.
Oqiǵa qoǵamda qyzý talqylanyp jatyr. Kópshilik bul jaǵdaidy otbasylyq jaýapkershilik pen turmystyq zorlyq-zombylyq máselesiniń kúrdelene túskeniniń belgisi retinde baǵalaýda.
Qazirgi ýaqytta istiń naqty mán-jaiy anyqtalyp jatyr, al kúdiktige qatysty quqyqtyq baǵa tiisti tergeý aiaqtalǵannan keiin beriledi.
