«Kaztsink» kásipornynda eki jumysshy qaza tapqan órtke bailanysty qylmystyq is qozǵaldy, dep habarlaidy dalanews.kz.
Shyǵys Qazaqstan oblysynda «Kaztsink» JShS-niń qorǵasyn zaýytynda bolǵan órt saldarynan eki qyzmetkerdiń qaza tabýyna bailanysty qylmystyq is tirkeldi.
Qaztsink kásiporny aýmaǵynda bolǵan oqiǵaǵa qatysty tergeýdi ShQO politsiia departamenti júrgizip jatyr.
Vedomstvonyń baspasóz qyzmeti málimetinshe, is eńbek qaýipsizdigi talaptaryn buzý deregi boiynsha qozǵalǵan. Bul quqyqbuzýshylyq abaisyzda eki nemese odan da kóp adamnyń ólimine ákelgen.
Politsiianyń habarlaýynsha, oqiǵa ornynda jedel-tergeý toptary jumys istep jatyr. Qazir bolǵan jaǵdaidyń barlyq mán-jaiyn anyqtaýǵa baǵyttalǵan shuǵyl tergeý áreketteri júrgizilýde.
«Oqiǵanyń sebepteri men jaǵdailaryn tolyq, jan-jaqty jáne obektivti zertteý úshin barlyq qajetti tergeý sharalary qabyldanady», – dep habarlady departament ókilderi.
Aita keteiik, buǵan deiin Shyǵys Qazaqstan oblysyndaǵy Qaztsink kásiporny aýmaǵyndaǵy shań jinaý qondyrǵysynda jarylys bolyp, arty órtke ulasqan, keibir jerler ishinara opyrylǵan. Saldarynan eki adam qaza tapty.
Qazir úiindilerdi tazalaý jumystary jalǵasyp jatyr.
