استانادا رۇقسات ەتٸلمەگەن قوقىستاردى جويۋ جۇمىسى جٷرٸپ جاتىر. قالانىڭ ەر اۋدانىندا زاڭ بۇزۋشىلىقتاردى انىقتاۋ ٷشٸن تۇراقتى مونيتورينگ جٷرگٸزٸلەدٸ, دەپ حابارلايدى Dalanews.kz ەلوردا ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
ستيحييالىق پوليگوندارمەن كٷرەس تەك جويۋ ارقىلى عانا ەمەس, سونىمەن بٸرگە كٷشەيتٸلگەن باقىلاۋ جەنە قۇقىق بۇزۋشىلاردى جاۋاپقا تارتۋ ارقىلى دا جٷزەگە اسىرىلادى. قالادا موبيلدٸ توپتار مەن بۇزۋشىلىقتاردى تٸركەيتٸن iKomek جٷيەسٸ بەلسەندٸ جۇمىس ٸستەيدٸ.
2025 جىلدىڭ باسىنان بەرٸ بايقوڭىر اۋدانىندا 7 رۇقسات ەتٸلمەگەن قوقىس ورنى انىقتالىپ, تازارتىلدى, ول ورىنداردان 230 توننا قوقىس شىعارىلدى. سارىارقا اۋدانىندا دا وسى جىلدىڭ العاشقى ايلارىندا 7 رۇقسات ەتٸلمەگەن قوقىس ورنى انىقتالدى, ونىڭ 6-اۋى جويىلدى. جۇمىس بارىسىندا 115 توننادان استام قۇرىلىس جەنە تۇرمىستىق قالدىقتار شىعارىلدى. اۋا رايى جىلىنعان ۋاقىتتان باستاپ ەسٸل اۋدانىندا 2000 توننا قوقىس شىعارىلدى.
سارايشىق اۋدانىندا سەۋٸر ايىنىڭ سوڭىنا دەيٸن 4 ۋچاسكەنٸ جويۋ جوسپارلانعان. مىسالى, اتالمىش اۋداندا درون كٶمەگٸمەن زاڭبۇزۋشىلىق انىقتالدى. لاس سۋدى تٶگۋ سەتٸ درون كٶمەگٸمەن انىقتالدى, بۇل كەيٸننەن مەلٸمەتتەر (تەحنيكانىڭ مەملەكەتتٸك نٶمٸرٸ) ودان ەرٸ شەشٸم قابىلداۋ ٷشٸن قۇقىق قورعاۋ ورگاندارىنا جٸبەرٸلدٸ. اۋدان ەكٸمدٸگٸ مەن ەكولوگييالىق پوليتسييا قىزمەتكەرلەرٸنٸڭ ٷيلەسٸمدٸ جۇمىسىنىڭ ارقاسىندا زاڭبۇزۋشى 20 مينۋت ٸشٸندە انىقتالدى. ايتا كەتۋ كەرەك, ارنايى تەحنيكانىڭ جٷرگٸزۋشٸسٸ لاس سۋدى تٶككەنٸ جەنە قورشاعان ورتانى لاستاعانى ٷشٸن بٸرنەشە رەت جاۋاپقا تارتىلدى. جٷرگٸزۋشٸگە 145 484 تەڭگە ايىپپۇل سالىندى. تەحنيكا ايىپ تۇراعىنا قويىلدى.
2025 جىلى نۇرا اۋدانىندا 4 ورىننان 57 توننا قوقىس شىعارىلدى. مەردٸگەر ۇيىمداردىڭ كٷشتەرٸ تۇران, ۇلى دالا داڭعىلدارىنىڭ جەنە ش.ايتماتوۆ كٶشەلەرٸنٸڭ بويىنداعى ۋچاسكەلەرگە جۇمىلدىرىلدى. قالالىق سەنبٸلٸكتەر كەزٸندە رۇقسات ەتٸلمەگەن پوليگونداردى جويۋ جۇمىسىنا قۇرىلىس كومپانييالارىن تارتۋ جوسپارلانىپ وتىر. جٷرگٸزٸلگەن مونيتورينگ بارىسىندا الماتى اۋدانىندا رۇقسات ەتٸلمەگەن قوقىس ٷيٸندٸلەرٸ انىقتالعان جوق.
بۇدان باسقا, كوممۋنالدىق قالدىقتاردى انىقتاۋ ٷشٸن تسيفرلىق كارتانى ەنگٸزۋ جەنە قوقىستى شىعارۋ مارشرۋتتارىن وڭتايلاندىرۋ ٷشٸن جاساندى ينتەللەكتتٸ پايدالانۋ جوسپارلانىپ وتىر. بۇل قوقىستاردىڭ شىعارىلۋىن باقىلاۋعا جەنە پوليگونداردىڭ الدىن الۋعا مٷمكٸندٸك بەرەدٸ.
ەستەرٸڭٸزگە سالا كەتەيٸك, وسى جىلدىڭ 13 ناۋرىزىندا «ەكٸمشٸلٸك قۇقىق بۇزۋشىلىق تۋرالى» قازاقستان رەسپۋبليكاسى كودەكسٸنٸڭ 344-بابىنا ٶزگەرٸستەر ەنگٸزٸلدٸ, وعان سەيكەس بەلگٸلەنبەگەن ورىنداردا قوقىس تاستاعانى ٷشٸن جازا كٷشەيتٸلدٸ.
