Prezident Qasym-Jomart Toqaev Eýraziialyq ekonomikalyq komissiia alqasynyń tóraǵasy Baqytjan Saǵyntaevty qabyldady, dep habarlaidy dalanews.kz.
Memleket basshysyna EEK qyzmetiniń basty baǵyttary jáne Qazaqstannyń 2026 jyly Eýraziialyq ekonomikalyq odaq organdaryna tóraǵalyǵy barysynda iske asyrylatyn jobalar jaiynda baiandaldy.
Sondai-aq, Prezidentke EAEO aiasynda jasandy intellektini jaýapkershilikpen damytý jónindegi Birlesken málimdemeni ázirleý jumystarynyń aiaqtalǵany týraly aityldy. Qujat ekonomika salasyndaǵy jasandy intellekt tehnologiialaryn damytý boiynsha integratsiialyq birlestik elderi yntymaqtastyǵynyń negizgi baǵyttaryn aiqyndaidy.
Budan bólek, Qasym-Jomart Toqaevqa 28-29 mamyr kúnderi Astanada ótetin Joǵary Eýraziialyq ekonomikalyq keńestiń kezekti otyrysyna jáne V Eýraziialyq ekonomikalyq forýmǵa daiyndyq barysy týraly aqparat berildi.
