Qaraǵandy oblysynyń Buqar jyraý aýdanynda 11 jastaǵy balany óz úiiniń aýlasynda it talap, aýyr jaraqat aldy, dep habarlaidy dalanews.kz.
Qazirgi ýaqytta Qaraǵandy oblysynda kámeletke tolmaǵan balaǵa ittiń shabýyl jasaýy boiynsha tergeý jumystary júrgizilip jatyr. Oqiǵa 1 mamyrda Buqar jyraý aýdanyna qarasty Aqtóbe aýylynda bolǵan. Balany aýyr jaraqatpen jedel túrde aýrýhanaǵa jetkizgen.
Balanyń anasynyń sózinshe, it ulyna óz úi aýlasynda shabýyl jasaǵan. Onyń iyǵyndaǵy teri men bulshyq etine zaqym kelgen. Zardap shekken oqýshynyń anasy uly epilepsiiamen aýyratynyn, sondyqtan oqiǵa sátinde ustamasy bastalsa nemese it mańyzdy aǵzalaryn zaqymdasa jaǵdai odan ári ýshyǵýy múmkin ekenin aitty.
Buqar jyraý aýdany ákimdigi oqiǵany rastady. Resmi málimet boiynsha, zardap shekken bala 2014 jyly týǵan. Ittiń iesi 52 jastaǵy jergilikti turǵyn bolyp shyqty. Oǵan Ákimshilik quqyq buzýshylyq týraly kodekstiń 407-2-baby 1-bóligi 4-tarmaǵy boiynsha ákimshilik hattama toltyryldy.
Dárigerler balanyń sol jaq iyq býyny men iyǵynyń joǵarǵy bóliginde aýqymdy tistelgen jaraqat bar ekenin anyqtady.
Oqiǵa bolǵan kúni alǵashqy hirýrgiialyq óńdeý júrgizildi. Qazirgi ýaqytta bala oblystyq balalar aýrýhanasynda em alyp jatyr.
Qaraǵandy oblystyq politsiia departamenti atalǵan oqiǵaǵa qatysty ákimshilik is qozǵalǵanyn habarlady. Vedomstvonyń baspasóz qyzmeti zardap shekken balanyń emi tolyq aiaqtalǵannan keiin barlyq qajetti protsessýaldyq shara júrgizilip, túpkilikti sheshim qabyldanatynyn málimdedi.
