قاراعاندى وبلىسىنىڭ بۇقار جىراۋ اۋدانىندا 11 جاستاعى بالانى ٶز ٷيٸنٸڭ اۋلاسىندا يت تالاپ, اۋىر جاراقات الدى, دەپ حابارلايدى dalanews.kz.
قازٸرگٸ ۋاقىتتا قاراعاندى وبلىسىندا كەمەلەتكە تولماعان بالاعا يتتٸڭ شابۋىل جاساۋى بويىنشا تەرگەۋ جۇمىستارى جٷرگٸزٸلٸپ جاتىر. وقيعا 1 مامىردا بۇقار جىراۋ اۋدانىنا قاراستى اقتٶبە اۋىلىندا بولعان. بالانى اۋىر جاراقاتپەن جەدەل تٷردە اۋرۋحاناعا جەتكٸزگەن.
بالانىڭ اناسىنىڭ سٶزٸنشە, يت ۇلىنا ٶز ٷي اۋلاسىندا شابۋىل جاساعان. ونىڭ يىعىنداعى تەرٸ مەن بۇلشىق ەتٸنە زاقىم كەلگەن. زارداپ شەككەن وقۋشىنىڭ اناسى ۇلى ەپيلەپسييامەن اۋىراتىنىن, سوندىقتان وقيعا سەتٸندە ۇستاماسى باستالسا نەمەسە يت ماڭىزدى اعزالارىن زاقىمداسا جاعداي ودان ەرٸ ۋشىعۋى مٷمكٸن ەكەنٸن ايتتى.
بۇقار جىراۋ اۋدانى ەكٸمدٸگٸ وقيعانى راستادى. رەسمي مەلٸمەت بويىنشا, زارداپ شەككەن بالا 2014 جىلى تۋعان. يتتٸڭ يەسٸ 52 جاستاعى جەرگٸلٸكتٸ تۇرعىن بولىپ شىقتى. وعان ەكٸمشٸلٸك قۇقىق بۇزۋشىلىق تۋرالى كودەكستٸڭ 407-2-بابى 1-بٶلٸگٸ 4-تارماعى بويىنشا ەكٸمشٸلٸك حاتتاما تولتىرىلدى.
دەرٸگەرلەر بالانىڭ سول جاق يىق بۋىنى مەن يىعىنىڭ جوعارعى بٶلٸگٸندە اۋقىمدى تٸستەلگەن جاراقات بار ەكەنٸن انىقتادى.
وقيعا بولعان كٷنٸ العاشقى حيرۋرگييالىق ٶڭدەۋ جٷرگٸزٸلدٸ. قازٸرگٸ ۋاقىتتا بالا وبلىستىق بالالار اۋرۋحاناسىندا ەم الىپ جاتىر.
قاراعاندى وبلىستىق پوليتسييا دەپارتامەنتٸ اتالعان وقيعاعا قاتىستى ەكٸمشٸلٸك ٸس قوزعالعانىن حابارلادى. ۆەدومستۆونىڭ باسپاسٶز قىزمەتٸ زارداپ شەككەن بالانىڭ ەمٸ تولىق اياقتالعاننان كەيٸن بارلىق قاجەتتٸ پروتسەسسۋالدىق شارا جٷرگٸزٸلٸپ, تٷپكٸلٸكتٸ شەشٸم قابىلداناتىنىن مەلٸمدەدٸ.
