Sairam aýdany aýyl sharýashylyq óniminiń kólemin kóbeitýge basymdyq bermek
Onyń ishinde 2018 jylǵa aýyl sharýashylyq óniminiń kólemin 59,5 mlrd.teńgege jetkizý kózdelgen.
Budan buryn aýdandaǵy atqarylǵan jumystarǵa qanyqqan oblys ákimi Sairam aýdanynyń áleýmettik-ekonomikalyq potentsialyn tiimdi paidalanýdy tapsyrǵan bolatyn.
– Elbasymyz biylǵy halyqqa arnaǵan "Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri" atty Joldaýynda «Úshinshi baǵyt – «Aqyldy tehnologiialar» – agroónerkásip keshenin qarqyndy damytý múmkindigi degen bolatyn. Agrarlyq saiasat eńbek ónimdiligin túbegeili arttyrýǵa jáne óńdelgen ónimniń eksportyn ulǵaitýǵa baǵyttalýy kerek. Osy baǵytta Sairam aýdany óziniń óndiristik-ekonomikalyq potentsialymen oblystaǵy perspektivti aýdan bolyp eseptelinedi. Sondyqtan aýdan basshysyna osy múmkindikterdi barynsha tiimdi paidalanýdy tapsyramyn. Sondai-aq, aýdanǵa investitsiia tartý, jańa óndiris oryndaryn ashý, shaǵyn jáne orta kásipkerlikti damytý baǵytynda jańa serpin qajet, – degen edi Janseiit Túimebaev.
Búginde Sairam aýdany halqynyń 12,5 paiyzy shaǵyn jáne orta biznes salasynda jumyspen qamtylǵan. Aýdan boiynsha belsendi kásipkerlik sýbektilerdiń sany 13703 birlikke jetip, 5,7 paiyzǵa ósken. Máselen, byltyrǵy jyly aýdandaǵy shaǵyn jáne orta kásipkerlik nysandary 84, 2 mlrd. teńgeniń ónimin óndirgen.
