Saryaǵash aýdany bilim bólimine qarasty №52 M.Ótemisuly atyndaǵy jalpy bilim beretin mektebiniń 9-synyp oqýshysy Baibek Elikbai qoljetimdi materialdardan «aqyldy robot» modelin qurastyrdy. Mektep oqýshysynyń qolynan shyqqan jasandy qurylǵy – adamdardyń kúndelikti turmysynda paidalanýǵa taptyrmas qural. Ereksheligi, bir qurylǵynyń ózinde birneshe jumys isteý fýnktsiiasy bar. Sý qainatý, án tyńdaýdan ózge shań soratyn shańsorǵyshy bar aqyldy robot qoljetimdi materialdardan jasalǵan, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Joǵary synyp oqýshylarynyń arasyndaǵy jasandy intelektke qyzyǵýshylyq pen tyń ideia ielerin anyqtaýǵa arnalǵan jobada «aqyldy robot» júldeli oryn aldy. Mektep oqýshysynyń qiialy men aqyl-oiynan týǵan qurylǵy baǵdarlamalarǵa negizdelgen operatsiialardy júzege asyrý múmkindigine ie.
Adamnyń «mehanikalyq kómekshisi» atanǵan aqyldy robot qoqys terip, shań jutyp qana qoimaidy. Olardy suryptap, bólip jinaityn kórinedi. Qarapaiym zattardan quralǵan robot baǵdarlamaǵa júktelgen tapsyrmany da múltiksiz oryndai alady.
– Ár adam jyl saiyn bir tonnaǵa jýyq qaldyq shyǵarady. Sonyń ishine turmystyq qaldyq óte kóp. Al ony óńdeý jaǵy áli kúnge sheshimin tappai keledi. Qorshaǵan orta lastanyp, ekologiia da nasharlaýda. Sanamdaǵy «Nege qoqystardyń barlyǵy qaita óńdelmeidi?» degen suraqqa jaýap izdeý maqsatynda aqyldy robotty qurastyrdym. Qoqystardy suryptaý isine jasandy intelektini qosyp, qorshaǵan ortanyń tazalyǵyna úles qosqym keledi, – deidi Baibek Elikbai.
Baibekke robotty jasap shyǵarýǵa jetekshisi Nazgúl Asqarova kómektesken. Jol boiymen ózi qozǵalyp, ainalasyndaǵy qoqystyń barlyǵyn terip, jinaýǵa qabiletti robotty qurastyrýǵa bir jarym ai ýaqytyn jumsaǵan. Odan basqa qosymsha fýnktsiialarymen da jumys istei alady. Robot oqýshylardyń robototehnikaǵa degen qyzyǵýshylyǵyn arttyrýmen qatar, jastar arasynda tabiǵatty taza ustaýdy da nasihattaidy.
Aita keteiik, Baibek Elikbaidyń «aqyldy roboty» aýdandyq kezeńdegi ǵylymi joba konkýrsynda úzdik dep tanylyp, júldeli boldy. Endigi kezekte jas ónertapqysh óz jobasyn oblystyq, respýblikalyq jarysta qorǵaýǵa nietti.
