Astanada 5-shi Dúniejúzilik kóshpendiler oiyndary bastaldy. Kópten kútken oqiǵa el azamattarynyń ǵana emes, sheteldik týristerdiń de nazaryn aýdardy. Astana qalasyna kóshpendiler oiynyn tamashalaýǵa arnaiy kelgen sheteldik qonaqtar alǵan áserimen bólisti, – dep habarlaidy Dalanews.kz Astana qalasy ákiminiń baspasóz qyzmetine silteme jasap.
Dúniejúzilik kóshpendiler oiyndary alǵashqy kúnderden bastap óz alańyna ondaǵan myń qonaqty jinady. Olardyń arasynda kóshpendilerdiń erekshe mádenietimen tanysý úshin Astanaǵa arnaiy kelgen shet el azamattary da kóp.
Djimmi Nelson Astanaǵa Gollandiiadan ushyp kelgen. Munda ol oiyndar ótetin bes kún boiy bolmaq.
– Biz Astanadaǵy 5-shi Dúniejúzilik kóshpendiler oiyndaryna qatysý úshin bes kúnge keldik. Bul tańǵajaiyp oqiǵa, men mundaǵy adamdardyń sulýlyǵy men qonaqjailylyǵyna qatty riza boldym. Qazaqstan siiaqty el óziniń bai mádeni murasyn saqtaýǵa jáne damytýǵa kóp qarjy jumsaityny tańqalarlyq. Munda bolý – bir mártebe, – dep sheteldik qonaq oiyn ortaǵa saldy.
Al Veronik pen Tim Brodbent Kóshpendiler oiyndaryn kórý úshin Frantsiiadan ushyp kelgen. Olarda Astana qalasynyń 5-shi Dúniejúzilik kóshpendiler oiyndaryna asqan jaýapkershilikpen daiyndalǵanyna dán riza.
– Biz kóshpeli sport týraly buryn-sońdy eshteńe bilmedik, bilsek te óte az aqparat edi. Biz úshin kóshpendiler oiyny qyzyqty mereke bolyp tur, – deidi ispandyq týrist Kristina Prýnell.
Dosy sadaq atýmen ainalysatyndyqtan, aýstriialyq Malkolm Daýni kóshpendiler oiyndaryna qyzyǵýshylyq tanytypty.
– Biz Aýstriiada turamyz, sadaq atýmen, iaǵni vengriialyq sadaq atýmen ainalysatyn dosymyz bar. «O, Marian osymen ainalysady, biz muny mindetti túrde kórýimiz kerek» dep oiladyq. Osylaisha Astandaǵa taban tiredik. Munda kelip, kóshpendiler oiynyn tamashalaǵanamyzǵa dán rizamyz, – deidi sheteldik meiman.
Astanadaǵy kóshpendiler oiyndary kezinde kórsetilgen sadaq atý saiysy Aýstraliiadan kelgen qonaqty da tań qaldyrdy.
– Búgin tańerteń biz Vengr stilindegi sadaq atýdy kórdik. Bul óte keremet boldy. Aldaǵy kúnderi kóshpendi eldiń urpaqtarynyń búrkitpen ań aýlap, kókpar tartqanyn kórgim keledi. Ásirese kókpar jaiynda kóp estigenmin, – deidi aýstraliialyq Elodi Garriman.
Esterińizge sala keteiik, 5-shi Dúniejúzilik kóshpendiler oiyndary aiasynda Astanada 5 etnoaýyl jumys isteidi, olar «Qazanat» ippodromy, «Qazaq eli» monýmenti, «Atatúrik» parki, «Báiterek» monýmenti jáne Ortalyq saiabaq aýmaqtarynda ornalasqan.
Elorda turǵyndary, qonaqtary men oiyn qatysýshylary úshin Etnoaýyldyń barlyq mádeni is-sharalaryna kirý tegin. Al Dúniejúzilik kóshpendiler oiyndarynyń sporttyq jarystaryna tek biletpen kirýge bolady.
