Memleket basshysy Qasym-Jomart Toqaevtyń Parlament Májilisinde sóılegen sózinde mádenıet pen bilim el damýynyń quramdas bóligi ekenin tilge tıek etken edi.Iá,sapaly bilim-sanaly urpaqty tárbıeleıdi. Shynynda da, qoǵam damýynyń basty faktory sapaly bilimdi meńgergen bilikti mamandar ekeni sózsiz. Bul baǵytta elimizde bilimge qushtar, bolashaǵymyzdyń negizin quraıtyn daryndy jastarǵa barynsha qoldaý kórsetip, áleýetin paıdalaný kózderin qarastyrý kerek. Ásirese aýyl jastary arasyndaǵy talanttarǵa sapaly bilim alý berý tetigin aıqyndaý, ony júzege asyrý tásilin belgileý qajet dep sanaımyz.
BUU-nyń bastaýymen alǵash ret «turaqty damý» konsepsıasy usynyldy. Turaqty damý maqsattary 4 bólimi sapaly bilim eken alǵa tartqym keledi. Ár memlekettiń ekonomıkalyq jáne áleýmettik turǵydan damýynyń taǵy bir kórsetkishi – álemdik tájirıbege súıengen bilimdi maman daıarlaýmen tyǵyz baılanysty.
Bilim salasy únemi jetilip, jańaryp otyrýdy qajet etedi. Biz ómir súrip otyrǵan qazirgi kezeń – bul jańa dáýir , jańa kózqarasty, jańashylyqty talap etetin ýaqyt. Sonyń ishinde , bilim salasynda bolyp jatqan jańa ózgeristerdiń máni men mańyzy zor. Sannan sapaǵa qyzmet etý – búgingi talap. Qazir elimizdegi joǵary oqý oryndarynyń jartysy ǵana túlekterin 60 paıyzdyq deńgeıde jumyspen qamtyp otyr. Bul joǵary kórsetkish emes.
Osyny eskergen Memleket basshysy sany bar, sapasy mardymsyz oqý oryndary qysqartylyp, básekege qabiletti kadrlar daıarlaı alatyn irgeli oqý oryndaryna ǵana múmkindikter beriletinin qadap aıtty Bul – sózden iske kóshýdiń aıqyn dáleli. Ǵylymdy damytpaı, ulttyń damýyn qamtamasyz ete almaımyz. Úkimet bul máseleni ǵylymı-zertteýlerdiń deńgeıin arttyrý jáne ony is júzinde qoldaný turǵysynan qarastyrýy kerek dedi.
Elimizde de bilim berý júıesi sanǵa ǵana emes, sapaǵa negizdeý – búgingi kúnniń basty talaby. Sanaly da sapaly urpaq tárbıeleý arqyly ǵana bıikke shyǵatynymyzdy eskersek, bul másele udaıy nazarda bolýy tıis. Búginde muǵalimderdiń biliktiligin kóterý jumystaryn jandandyrý jáne bilim sapasyn jaqsartý joldary birizdilikpen júıeli jolǵa qoıylyp keledi.Osy jaıttardy eskere otyra, ál-Farabı atyndaǵy Qazaq ulttyq ýnıversıtetiniń zań fakúlteti Memleket jáne quqyq teorıasy men tarıhy,konstıtýsıalyq jáne ákimshilik quqyq kafedrasynyń oqytýshylar quramy sapaly bilim berý maqsatynda aıanbaı eńbek etýde. Ár memlekettiń ekonomıkalyq jáne áleýmettik turǵydan damýynyń taǵy bir kórsetkishi – álemdik tájirıbege súıengen bilimdi maman daıarlaýmen tyǵyz baılanysty. Bilim salasyna qatysty bul bastamalar el bolashaǵynyń kemel bolýyna, damyǵan eldermen teń túser bilikti tulǵalar daıyndaýǵa sep bolmaq. Bilimge degen janashyrlyq – ultqa degen janashyrlyqtyń aıqyn kórinisi.
Bıskýltanova Albına
ál-Farabı atyndaǵy Qazaq ulttyq ýnıversıtetiniń zań fakúlteti Memleket jáne quqyq teorıasy men tarıhy,konstıtýsıalyq jáne ákimshilik quqyq kafedrasynyń aǵa oqytýshysy
