Shynynda da, qoǵam damýynyń basty faktory sapaly bilimdi meńgergen bilikti mamandar ekeni sózsiz. Bul baǵytta elimizde bilimge qushtar, bolashaǵymyzdyń negizin quraityn daryndy jastarǵa barynsha qoldaý kórsetip, áleýetin paidalaný kózderin qarastyrý kerek.
Ásirese aýyl jastary arasyndaǵy talanttarǵa sapaly bilim alý berý tetigin aiqyndaý, ony júzege asyrý tásilin belgileý qajet dep sanaimyz.
BUU-nyń bastaýymen alǵash ret «turaqty damý» kontseptsiiasy usynyldy. «Turaqty damý maqsattary» – qazirgi ýaqyttyń qajettiligin qamtamasyz ete otyryp, bolashaq urpaqtardyń óziniń qajettilikterin qamtamasyz etýine qaýip týǵyzbaityn damý. Turaqty damý maqsattary kontseptsiiasynyń 4 bólimi -sapaly bilim eken alǵa tartqym keledi. Ár memlekettiń ekonomikalyq jáne áleýmettik turǵydan damýynyń taǵy bir kórsetkishi – álemdik tájiribege súiengen bilimdi maman daiarlaýmen tyǵyz bailanysty. Bilim salasy únemi jetilip, jańaryp otyrýdy qajet etedi.
Biz ómir súrip otyrǵan qazirgi kezeń – bul jańa dáýir , jańa kózqarasty, jańashylyqty talap etetin ýaqyt. Sonyń ishinde , bilim salasynda bolyp jatqan jańa ózgeristerdiń máni men mańyzy zor.
Sannan sapaǵa qyzmet etý – búgingi talap. Qazir elimizdegi joǵary oqý oryndarynyń jartysy ǵana túlekterin 60 paiyzdyq deńgeide jumyspen qamtyp otyr. Bul joǵary kórsetkish emes. Osyny eskergen Memleket basshysy sany bar, sapasy mardymsyz oqý oryndary qysqartylyp, básekege qabiletti kadrlar daiarlai alatyn irgeli oqý oryndaryna ǵana múmkindikter beriletinin qadap aitty Bul – sózden iske kóshýdiń aiqyn dáleli.
Ǵylymdy damytpai, ulttyń damýyn qamtamasyz ete almaimyz. Úkimet bul máseleni ǵylymi-zertteýlerdiń deńgeiin arttyrý jáne ony is júzinde qoldaný turǵysynan qarastyrýy kerek dedi.
Elimizde de bilim berý júiesi sanǵa ǵana emes, sapaǵa negizdeý – búgingi kúnniń basty talaby. Sanaly da sapaly urpaq tárbieleý arqyly ǵana biikke shyǵatynymyzdy eskersek, bul másele udaiy nazarda bolýy tiis. Búginde muǵalimderdiń biliktiligin kóterý jumystaryn jandandyrý jáne bilim sapasyn jaqsartý joldary birizdilikpen júieli jolǵa qoiylyp keledi.Osy jaittardy eskere otyra, ál-Farabi atyndaǵy Qazaq ulttyq ýniversitetiniń zań fakýlteti qylmystyq quqyq,qylmystyq is júrgizý jáne kriminalistika kafedrasynyń oqytýshylar quramy sapaly bilim berý maqsatynda aianbai eńbek etýde.
Zańǵar jazýshy M.Áýezov «Halyq pen halyqty,adam men adamdy teńestiretin bilim»dep qoǵam ómirindegi bilimniń ornyn aiqyndaǵan,Rasymen de,rýhani mádeni salanyń nyǵaiýyna,adamdyq qasiettiń joǵarlaýyna,osynyń arqasynda eldiń alǵa órleýine bilimniń ǵana qudireti jetetini kúnnen-kúnge aiqyndalýda.
Bisenova M.Q
Atahanova G.M
ál-Farabi atyndaǵy Qazaq ulttyq ýniversitetiniń zań fakýlteti qylmystyq quqyq,qylmystyq is júrgizý jáne kriminalistika kafedrasynyń oqytýshylary
