Energetıka mınıstrliginiń habarlaýynsha, Astana qalasynda, Aqmola, Shyǵys Qazaqstan, Qaraǵandy, Pavlodar, Qostanaı jáne Soltústik Qazaqstan oblystarynda jylytý maýsymy bastaldy.
Atap aıtqanda, Shyǵys Qazaqstan oblysynyń Rıdder qalasynda 24 áleýmettik nysannyń 23 nemese 96%-y qosylǵan. Turǵyn úılerge ystyq sý berildi. Pavlodar oblysynyń Ekibastuz qalasy boıynsha 90 áleýmettik nysannyń 26 nemese 28,8%-y qosylǵan. Astana qalasynda 240 áleýmettik nysannyń 86 nemese 35,8%-y qosylǵan.
3 qazanda Almaty oblysynda; 10 qazanda Ulytaý oblysynda; 15 qazanda Almaty, Abaı oblysynda, Aqtóbe, Atyraý, Jambyl, Jetisý, Batys Qazaqstan, Qyzylorda, Mańǵystaý oblystarynda jylý beriledi dep josparlanyp otyr.
Jylytý maýsymy Shymkentte 20 qazannan, Túrkistan oblysynda 25 qazannan bastalmaq. Budan buryn habarlaǵanymyzdaı, Kenteý JEO-da qazandyqtardy jóndeý jumystary kestege saı júrgizilmegendikten, turǵyndarǵa jylý der kezinde berilmeıdi.
