ەنەرگەتيكا مينيسترلىگىنىڭ حابارلاۋىنشا، استانا قالاسىندا، اقمولا، شىعىس قازاقستان، قاراعاندى، پاۆلودار، قوستاناي جانە سولتۇستىك قازاقستان وبلىستارىندا جىلىتۋ ماۋسىمى باستالدى.
اتاپ ايتقاندا، شىعىس قازاقستان وبلىسىنىڭ ريددەر قالاسىندا 24 الەۋمەتتىك نىساننىڭ 23 نەمەسە 96%-ى قوسىلعان. تۇرعىن ۇيلەرگە ىستىق سۋ بەرىلدى. پاۆلودار وبلىسىنىڭ ەكىباستۇز قالاسى بويىنشا 90 الەۋمەتتىك نىساننىڭ 26 نەمەسە 28،8%-ى قوسىلعان. استانا قالاسىندا 240 الەۋمەتتىك نىساننىڭ 86 نەمەسە 35،8%-ى قوسىلعان.
3 قازاندا الماتى وبلىسىندا؛ 10 قازاندا ۇلىتاۋ وبلىسىندا؛ 15 قازاندا الماتى، اباي وبلىسىندا، اقتوبە، اتىراۋ، جامبىل، جەتىسۋ، باتىس قازاقستان، قىزىلوردا، ماڭعىستاۋ وبلىستارىندا جىلۋ بەرىلەدى دەپ جوسپارلانىپ وتىر.
جىلىتۋ ماۋسىمى شىمكەنتتە 20 قازاننان، تۇركىستان وبلىسىندا 25 قازاننان باستالماق. بۇدان بۇرىن حابارلاعانىمىزداي، كەنتەۋ جەو-دا قازاندىقتاردى جوندەۋ جۇمىستارى كەستەگە ساي جۇرگىزىلمەگەندىكتەن، تۇرعىندارعا جىلۋ دەر كەزىندە بەرىلمەيدى.
