Keńes zamanynda aqparattyq keńistikte jumys isteitin mamandar tek qana Ál-Farabi atyndaǵy QazUÝ-de ǵana daiyndalyp keldi. Al elimiz táýelsizdigin alǵannan keiin oqý orynda zańgerler men ekonomisterdi jappai daiyndai bastaǵanda, keibir oqý oryndary da jýrnalistikanyń tartymdy mamandyq ekenin basshylyqqa alyp, jýrnalistika fakýlteti men kafedarlaryn ashyp, media maman daiyndaýǵa kóshken edi.
Sóz joq, Qazaqstan naryǵynda memleket múddesin qorǵaityn jýrnalisterdiń kóp bolǵany kerek. Kezinde qazaq jýrnalistikasy ádebiet pen mádeniettiń ainalysynda shiyrlap júretin-di. Qazir de sol ata-babamyzdyń myqty bolǵanyn, aityp ádbei-mádeni taqyryptardan uzap ketken joqpyz.
Jýrnalsiter mádeni, ádebi taqyryptarǵa qalam terbep elimizdiń aqparattyq qaýipsizdigin qamtamasyz ete almaitynyn túsinýi kerek. Árine, bul rette eshkim qazaq tildi tilshilerge «mádeniet pen tarihi taqyrypty jazbańdar» dep qolyndaǵy qalamyn tartyp almaidy.
Qazaq jýrnalistikasy elimizdiń aqparattyq qaýipsizdigin qamtamasyz etýi úshin saiasat pen ekonomika, qarjy taqyryptaryna barýy kerek.
Eger qazaq jýrnalistikasy bul taqyryptaǵa erterekte batyl túrde qolǵa alǵanda eshkim bizdiń aýlamyzǵa tas laqtyryp, qońyrsytyp áńgime aitpas edi.
Jalpy, memleket aqaparttyq saiasatty qalyptastyrý úshin respýblikalyq, oblystyq deńgeide de qarjy bólip, bul baǵyttaǵy jumystarǵa meilinshe qoldaý kórsetip keledi. Qazaq jýrnalisteri osy qamqorlyqtyń máni men mańyzyn túsinýi kerek.
Ómirimizge áleýmettik jeliler qarqyndy túrde engennen keiin aqparattyq qaýipsizdikti tek qana jýrnalister qalyptastyrady degen uǵym-túsinik qalyp bara jatqanyn baiqaýǵa bolady.
Áleýmettik jeliler kez kelgen ultjandy azamattyń elimizdiń aqparattyq qaýipsizdigin qamtamasyz etýge aralasynýyna múmkindik týǵyzýda. Áńgimeniń ashyǵyn aitsaq, aqparattyq salada áreket etip júrgen keibir azamattardyń jumysy keibir jýrnalisterdiń jumysynan tiimdi bolyp turǵanyn jasyryn emes. Muny qolyna qalam ustaǵan áriptesterimiz moiyndaýy kerek.
Osy jaitty oń baǵalaǵan QR Aqparat jáne qoǵamdyq damý ministrligi jańa «Mass media týraly» zańdy daiyndaý barysynda jýrnalistika boiynsha kásibi turǵyndan mamandanbaǵan, biraq aqparattyq salada jan-jaqty jumys istep ózin kórsetken azamattardyń quqyq qorǵap, olardyń da aqparattyq keńistikte jumys isteýine múmkindik týǵyzýǵa kúsh salyp jatqany qýantady.
Búginde aqparattyq qaýipsizdik salasynyń aýqymy keńeigen.
Qazirgidei tehnologiialar damyǵan zamanda aqparattyq salany tek qana jýrnalisterdiń enshisine qaldyryp, alańsyz otyrýǵa bolmaidy.
Sońǵy ýaqyttar ministrlik elimizde salalyq jýrnalistianyń damýyna da basa kóńil bólip keledi. Bul baǵytta arnaiy baiqaýlar uiymdastyryp, túrli salada qalam terbep júrgen jýrnalisterdi yntalandyryp keledi.
Salalyq jýrnalistika da elimizdiń aqparattyq keńistiniń keregesin keńeitip, aqparattyq immýnitetti qalyptastyratynyn umytpaýymyz kerek.
Bul rette Aqparat jáne qoǵamdyq damý ministrliginiń elimizdiń aqparattyq keńistigin qoǵam bolyp, qorǵaýdy úndep, osy baǵytta jumys istep jatqany qoldaýmyz kerek.
Nurlan JUMAHAN
