«Kezdesý barysynda mınıstr jurtshylyqty alańdatqan saýal - mamandyqtar jikteýishine (klasıfıkatory) toqtaldy. Bul qujat 2011 jyldan bastap talqyǵa túsip jatqanyn eske salǵan Erlan Saǵadıev mınıstrlik mańyzdy qujattardy kópshilik talqysyna salmaı engizbeıtinin aıtty. Sondaı-aq bul saýal JOO rektorlary keńesinde talqylanyp jatqanyn atap ótti», – deıdi baspasóz ókilderi.
Taǵy bir asa mańyzdy suraq, bul – 11-synyp oqýshylaryn hımıa, fızıka, bıologıa pánderin aǵylshyn tilinde oqytý. «Bul máseleni talqylaýǵa bolady» degen mınıstr akademık ǵalymdar – Qazaqstannyń eńbek sińirgen qaıratkeri, Memlekettik syılyqtyń ıegeri, fılologıa ǵylymynyń doktory Serik Qırabaev pen geografıa ǵylymynyń doktory, profesor Álıa Beısenovamen kezdeskenin, sonda osy suraqty talqyǵa salǵandaryn aıtqan.
![](/uploads/images/20240128060757976.jpg)
– Taıaýda Almaty, Shymkent, Taldyqorǵanda mektep dırektorlary men muǵalimdermen kezdeskende olarǵa ata-ana balasyn joǵary synyptarda aǵylshyn tilinde oqytqysy kelmese, ózi sheshsin degen suraqty qoıǵan bolatynbyz, alaıda, olardyń basym kópshiligi bulaı etýge bolmaıtynyn aıtady. Pedagogtardyń sózinshe, bulaı bolatyn bolsa, oqýshylar arasynda ózara bóliný bolýy múmkin. Talantty ne talantsyz degen sózder týyndaýy yqtımal. Sol sebepti de barlyǵyna birdeı oqytqan jón. Onyń ústine ata-analardyń 80 paıyzy balalarynyń aǵylshyn tilinde bilim alýyn qalaıdy. Ata-analardyń, ustazdardyń pikirlerine, ulttyq baǵdarlamaǵa júginip otyrmyz. Eshteńeni oıdan qurastyryp otyrǵan joqpyz. Baǵdarlama 2019 jyldan bastalady. Oǵan deıin barlyǵyn baqylaýda ustaımyz. Eger basqa da pikirler bolatyn bolsa, ashyq talqylaýǵa daıynbyz. Múmkin Ulttyq ǵylym akademıasy janynan osyndaı qoǵamdyq suraqtardy talqylaý úshin organ qurarmyz, – deıdi Bilim jáne ǵylym mınıstri.
![](/uploads/images/20240128060758398.jpg)
Sondaı-aq kezdesý barysynda budan ózge de máseleler ortaǵa salynyp, ǵalymdar sóz sóıledi. Ómirdiń ózi qajet etip otyrǵan – oqýshylarǵa úsh tilde bilim berýde, eń bastysy, qazaq tiline basymdyq beriletini aıtylǵan.
![](/uploads/images/20240128060758775.jpg)