Jańa oblys ákimderi taǵaiyndaldy
Otyrys barysynda Premer-Ministr B. Saǵyntaev máslihat depýtattaryna baǵyttalǵan, oblys ákiminiń laýazymyna Toǵjanov Eraly Luqpanulynyń kandidatýrasyn usyný týraly Memleket basshysynyń hatyn oqyp berdi. Depýtattar Prezident usynǵan kandidatýrany biraýyzdan qoldady. «Memleket basshysynyń Jarlyǵymen E.L.Toǵjanov Mańǵystaý oblysynyń ákimi bolyp taǵaiyndaldy», – dep habarlady Baqytjan Saǵyntaev. Premer-Ministr Alik Aidarbaevqa jasaǵan jumystary úshin alǵysyn aityp, tabys tiledi. B.Saǵyntaev jańa basshylyqqa Memleket basshysynyń Qazaqstan halqyna arnaǵan «Qazaqstannyń úshinshi jańǵyrýy: jahandyq básekege qabilettilik» atty Joldaýynda qoiylǵan tapsyrmalardy júzege asyrý jáne iri reformalardy iske asyrý boiynsha birqatar naqty tapsyrmalardy aitty.
QR Prezidenti Ákimshiliginiń Basshysy Ádilbek Jaqsybekov Soltústik Qazaqstan oblysyndaǵy jumys sapary barysynda oblys aktivimen kezdesip, óńirdiń jańa ákimi Qumar Irgebaiuly Aqsaqalovty tanystyrdy.
Aqsaqalov Qumar Irgebaiuly 1965 jyly Qostanai oblysynda týǵan. 1987 jyly V.P.Goriachkin atyndaǵy Máskeý aýyl sharýashylyǵy óndirisiniń injenerleri institýtyn támamdaǵan. Qostanai oblysynyń Meńdiqara, Taran aýdandarynyń ákimi bolǵan. 2004-2006 jyldary QR Prezidenti Ákimshiliginiń Memlekettik baqylaý jáne uiymdastyrý jumysy bóliminiń memlekettik inspektory, 2006-2010 jyldary Jambyl oblysy ákiminiń orynbasary, 2010-2015 jyldary «Nur Otan» partiiasy Ortalyq apparatynyń basshysy, partiia hatshysy qyzmetterin atqarǵan.
Memleket basshysy Málik Myrzalindi Aqmola oblysynyń ákimi qyzmetine taǵaiyndady. Bul týraly Aqordanyń baspasóz qyzmeti Tvitterde habarlady.
Málik Myrzalin 1971 jylǵy 31 qazanda Aqtóbe qalasynda týǵan. 1996 jyly Resei Federatsiiasy Syrtqy ister ministrliginiń Máskeý Memlekettik halyqaralyq qatynastar institýtyn bitirgen. 2010 - 2011 jyldary QR Prezidenti Is Basqarmasynyń apparat basshysy, QR Din isteri agenttiginiń jaýapty hatshysy syndy jumystardy atqarǵan.
QR Prezidenti Nursultan Nazarbaev Erlan Qoshanovty Qaraǵandy oblysynyń ákimi qyzmetine taǵaiyndady. Bul týraly Aqordanyń Týitterdegi paraqshasynda habarlandy. Máslihattyń kezekten tys sessiiasynda depýtattar basym daýyspen Erlan Qoshanovtyń kandidatýrasyn qoldady. Jańa óńir basshysy búgingi jiynda aktivke tanystyryldy. Erlan Jaqanuly 1962 jyly Jezqazǵan oblysyndaǵy Shet aýdanynyń Aqsý-Aiýly aýylynda týǵan. Jańa ákim QR Premer-Ministriniń Keńsesi basshysynyń orynbasary, Úkimettiń Parlament Májilisindegi ókili, «Qazaqstannyń investitsiialyq qory» AQ direktorlar keńesiniń múshesi, «Astana halyqaralyq áýejaiy» AQ direktorlar keńesiniń tóraǵasy syndy qyzmetterdi atqarǵan.
