Kesheden beri Nurlan Sabýrov pen Tına Kandelakıdiń arasyndaǵy aýdıo jazba jelide qyzý talqylanýda. Osydan keıin Nurlan Sabýrov Tına ekeýiniń arasyndaǵy jazbanyń feık ekenin aıtty, – dep habarlaıdy Dalanews.kz.

– Jeldegi aýdıo jazba feık. Ony tyńdap kórgen adam jasandy ıntellektpen jasalǵan dúnıe ekenin birden ańǵarady. Menińshe, jýrnalaıter birinshi kezekte munyń feık ekenin anyqtaýy kerek edi. Ókinishke oraı, olar ony barynsha taratýda, – dep Sabýrov tilshiler qaýymyna ókpesi qara qazandaı ekenin baıqatty.  

Óz kezeginde Sabýrovtyń menejeri "biz sarapshylarǵa aýdıo jazbanyń túpnusqa emes anyqtaýyn berýin ótindik» dep jazba qaldyrypty.

Eger Nurlan men onyń menejeri álgi aýdıo jazbanyń shynmen feık dúnıe ekenine senimdi bolsa, olar munshalyqty shala búlinbes edi.

Soǵan qaraǵanda Nurlan men Tınanyń arasynda álgindeı áńgimeniń bolǵany ras.

Tına Kandelakı Pýtınniń ımpershildik saıasatyn qolap, Saakashvılıdiń artynan talaı sóz aıtqan adam. Ol shaıpaý minezine salyp,telefon arqyly Sabýrovtyń da eki aıaǵyn bir etikke tyǵýy múmkin.

Endi qazaq tilin bilmeıtin dúbára Sabýrov barıkadanyń bir jaǵyna shyǵýy kerek. Nurlan aldaǵy ýaqytta Arman Dáýletıarov sekildi Qazaqstanǵa oralýy tıis, bolmasa Tınanyń qataryna qosylyp, Pýtınniń propagandıstine aınalýy kerek.

Sabýrov osy eki joldyń birin tańdaýdan basqa amaly joq.