4 sáýirde "Ekaterınbýrg-Ekspo" halyqaralyq kórme ortalyǵynda AtomSkills-2025 kásibı sheberlik chempıonatynyń jabylý saltanaty ótti, dep habarlaıdy Dalanews.kz.
Jarysqa Reseı, Qytaı, Túrkıa, Egıpet, Bangladesh, Ońtústik Afrıka, Ózbekstan, Belarýs, Indonezıa, Úndistan men Qazaqstannan barǵan 2000-nan astam qatysýshylar men sarapshylardyń basyn biriktirdi. Halyqaralyq formattaǵy dástúrli dodada qazaqstandyq qatysýshylar 9 júldeli orynǵa ıe boldy. AtomSkills-2025 básekesine qatysqan negizgi jáne stýdenttik lıgalary bes kún boıy synǵa tústi.
Jarysty uıymdastyrǵan «Rosatom» memlekettik korporasıasynyń quramyndaǵy kásiporyndar men komandalyq dıvızıondar, sondaı-aq iri kompanıalar men oqý oryndarynyń ókilderi óz mamandyǵy boıynsha úzdik atanýǵa kúresti. Chempıonatqa qatysýshy joǵary oqý oryndary men kolejderdiń sany – 70-ke deıin jetti. Bul degenińiz tehnıkalyq jáne ınjenerlik salada kásibı damýǵa degen qyzyǵýshylyqtyń artyp kele jatqandyǵyn kórsetedi.
Aıta ketý kerek, ótken jyldarmen salystyrǵanda Qazaqstannan jarysqa qatysýshylar sany edáýir artqan. 2024 jyly eki qatysýshy bolsa, 2023 jyly 3 maman baq synaǵan. Al bıyl olardyń sany 19 adamǵa jetip otyr. AtomSkills sarapshysy retinde tehnıkalyq mamandanýdan bastap, qorshaǵan ortany qorǵaý men hımıalyq taldaýǵa deıingi túrli salalar boıynsha Qazaqstannan 6 kásibı maman qatysty.
Chempıonattyń mamandyq úlesi 44-ke deıin ósti. Olardyń ishinde «Dánekerleý tehnologıalary», «Injenerlik jobalaý», «Kompozıtter tehnologıasy», «Ónerkásiptik avtomatıka», «Baǵdarlamalyq robottandyrý», «CNC stanoktaryndaǵy frezerlik jumystar» jáne basqada mamandyqtar engen. Sonymen qosa demonstrasıalyq formatta jańa baǵyttar usynyldy: «1S: Kásiporyn platformasynda bıznes-qosymshalardy ázirleý" jáne "grafıkalyq dızaın». Barlyq konkýrstyq tapsyrmalar ózekti salalyq jáne halyqaralyq standarttarǵa sáıkes keldi.
Bıyl AtomSkills tórt birdeı aýqymdy kólemdegi iskerlik baǵdarlamadaǵy taqyrypty qamtyp otyr: «Kásiptik baǵdar», «Pedagogıkalyq», «Kadrlyq» jáne «Ata-ana». Osy taqyryptar aıasynda konferensıalar, forýmdar, sheberlik sabaqtar, jobalyq jáne taldamalyq sesıalar ótti. Atalǵan salada tehnologıalyq kóshbasshyǵa aınalyp, turaqty damýdy qamtamasyz etýde kásiptik bilim berý júıesiniń róli negizgi taqyryp boldy.
Aıta keteıik, AtomSkills ‒ «Rosatom» memlekettik korporasıasy 2016 jyldan beri uıymdastyryp kele jatqan jyl saıynǵy jumysshy jáne ınjenerlik kásipter chempıonaty. Chempıonat ‒ bul jańa býyn arasynda ózara bilim men tájirıbe almasýǵa yqpal etetin, sondaı-aq mamandardy, stýdentter men oqýshylardy Reseıdegi jumysshylar men ınjenerlik kadrlardy daıarlaý men damytýdyń biryńǵaı ekojúıesine biriktiretin kásibı ortany damytýdyń quraly. Alǵash ret chempıonatqa 450-ge jýyq sala mamandary men sarapshylary qatysyp 10 quzyret boıynsha synǵa túsken. Búgingi tańda bul 44 quzyret, eki lıga (kásipqoılar lıgasy, stýdentter lıgasy) boıynsha ótkiziledi jáne 2000-nan astam kásipqoılardy biriktiretin álemdegi eń iri chempıonattardyń biri. Olar ‒ atom salasynyń qyzmetkerleri, oqý oryndarynyń stýdentteri, sondaı-aq Reseıdiń iri ónerkásiptik kompanıalarynyń komandalary. 2023 jyldan bastap chempıonat halyqaralyq formatta ótkizilip keledi.
Reseıdiń iri kompanıalary qyzmetkerlerdiń áleýetin ashý boıynsha múmkindikterdi keńeıtýdi jalǵastyrýda. «Rosatom» jáne onyń kásiporyndary ǵylymı-aǵartýshylyq bastamalardy qoldaıdy. Sonyń negizinde Reseılik joǵary oqý oryndarynda bazalyq kafedralardy qurýǵa, stıpendıalyq qoldaý baǵdarlamalaryn iske asyrýǵa, stýdentterdi jumysqa ornalastyra otyryp, tájirıbe men taǵylymdamadan ótýdi uıymdastyrýǵa qatysady.
