"Jahandyq týrbýlenttilik jaǵdaiynda jańa Salyq kodeksin qabyldaý - reforma emes, qaýip-qaterge bas tigý". Osylai dep bastalatyn jelidegi jazbasynda kásipker Jumabek Janyqulov (belgili telejúrgizýshi Dinara Sátjannyń kúieýi) Úkimet pen Májiliske birqatar usynys jasapty, dep habarlaidy Dalanews.kz.
"Qazir AQSh pen Qytai tarif soǵysyna boilai bastaǵanda, Eýropalyq Odaq qorǵanys sharalaryn, al Resei men Úndistan importty almastyrýdyń belsendi saiasatyn júzege asyryp jatqanda, biz myna jaqta QQS mólsherlemesin 16%-ǵa deiin kóterýdi qamtityn Salyq kodeksin qaita qarastyryp "mázbiz". Bizde 20%-dyq QQS degen bolǵan: 1990-shy jáne 2000-shy jyldardyń basynda. Bul kórsetkish biýdjettiń ósimine qol jetkizýge múmkindik bermedi, esesine kásipkerlerdiń kóbisiniń "kóleńkeli ekonomikaǵa" ketýine sep boldy. Sodan keiin úkimet QQS mólsherlemesin 12%-ǵa deiin tómendetý týraly durys sheshim qabyldady", dep jazady ol Facebook-tegi paraqshasynda.
Onyń aitýynsha, biznes onsyz da kúizeliste: infliatsiia, energiia resýrstary men logistika tarifteriniń qymbattaýy, suranystyń turaqsyzdyǵy degendei.
"Investitsiialar erteńgi kúnge degen senimdilikti talap etedi. Fiskaldyq saiasat ainymaly mánge ainalǵanda, kapital erejeleri turaqty jaqqa tizgin qaǵady. Sonymen qatar... Bizge importty tsifrlandyrý óte qajet, bul ashyq jáne adal ekonomikanyń negizi. Qytaidan keletin import ta tsifrlyq baqylaýdy qajet etedi. @ Paryz_org konfederatsiiasy importty tsifrlai tirkeýdi mindettýdi, onyń ishinde kúdikti jetkizilimderdi avtomatty túrde anyqtai otyryp, TNVED kodtary boiynsha analitikalyq júielerdi qurý arqyly engizýdi usynady. Bul kedendik ákimshilendirýdi de, protektsionistik saiasattyń tiimdiligin de kúsheitedi", - deidi kásipker.
Ol protektsionizm AQSh, Qytai, Úndistan, Resei, tipti Ózbekstanda da belsendi qoldanylatyny, óz biznesin qoldaýsyz memlekettiń óndiristik áleýetinen airylý qaýpi baryn naqtylaidy.
"Bizdiń elde qalǵan árbir dollar otandyq ekonomikaǵa shetelge ketetin árbir 80 tsentten áldeqaida kóp paida ákeledi", - deidi Janyqulov.
Osylai degen ol Úkimet pen Májiliske mynalardy usynady:
- Salyq reformasyn keiinge qaldyra turý, onda da onyń saldaryn baǵalap alǵanǵa jáne syrtqy ekonomikalyq faktorlar ábden turaqtanǵanǵa deiin.
- TNVED kodtary boiynsha mindetti klassifikatsiia boiynsha shekarada import taýarlarǵa tsifrlyq baqylaýdy engizý.
- Ulttyq protektsionistik saiasatty otandyq óndiristiń basymdyǵymen jedel iske asyrý.
- Kúrt fiskaldyq ózgeristerden bas tartý arqyly investitsiialyq klimattyń turaqtylyǵyn qamtamasyz etý.
