Resei Qazaqstanmen aradaǵy syilastyqqa syzat túsirgisi kelmeidi
“Qazaqstan reseilik ekonomikaǵa salynǵan halyqaralyq sanktsiialar talabyn saqtai otyryp, ózara tiimdi kelisimder jasaýǵa qol jetkizdi” - deidi resmi BAQ.
Sanktsiialardyń talaptary saqtalǵany durys, árine. Áitpese bizdiń elge zardaby da ońai bolmasy anyq qoi.
Pýtinniń qazir syrtqy saiasatyndaǵy alpaýyt eldermen aradaǵy qarym-qatynasy kúrdelenip, halyqaralyq sanktsiialardyń saldarynan saly sýǵa ketip, júni jyǵylyp qalǵan ǵoi.
Sondyqtan Qazaqstan dál qazir Resei úshin yntymaqtastyǵyn nyǵaitýǵa múddeli birden-bir el bop tur. Osy saparynyń ózinen - aq Kreml úshin Qazaqstannyń orny bólek ekenin ańǵarýǵa bolady.
Pýtin de ákki saiasatker ǵoi, keshe ǵana Astanada Túrki elderi sammiti ótkenin, Frantsiia prezidenti kelip-ketkenin kórip, bilip otyr. Onyń osy kelisinde Kreml úshin Qazaqstannyń orny bólek ekeni ańǵaryldy. Onyń ústine, jaqynda ǵana Astanaǵa Frantsiia prezidenti kelip-ketken, odan keiin Túrki elderi uiymynyń sammiti ótken – kórshimiz munyń bárin kórip-bilip otyr.
Sondyqtan da «21 ǵasyrdaǵy tatý kórshilik pen odaqtastyq týraly kelisim-sharttyń» on jyldyǵy olar úshin atap ótýge turarlyq dataǵa ainalǵany baiqalady.
Qazaqta “jylandy úsh keskende, kesirtkelik qaýqary bar” degen sóz tegin aitylmaǵan. Dál qazir bizde bireýge dóń aibat kórsetip, jelkemizdi kújireitetin jaǵdai joq.
Saiasat degen óte názik nárse. Múlt ketseń, ziiany búkil elge tiedi. Eldiń tynyshtyǵyna, ómirine tiedi. Ainalamyzda ne bop jatqanyn kórip otyrmyz. Resei qansha jerden quldyrasa da, alpaýyt eldiń biri. Olardy qushaq jaia qarsy alǵanda mahabbatymyz asyp-tasyǵannan emes, dál qazirgi jaǵdaida, el qaýipsizdigi úshin kórshilerdiń eshqaisymen daýlaspai, jaýlaspai, tatýlyq pen birlik saiasatyn júrgizý asa mańyzdy bolyp tur.
Resei – búgingi tańda Qazaqstannyń eń iri saýda-ekonomikalyq áriptesi. Eki el arasyndaǵy taýar ainalymy byltyr 28 mlrd. dollarǵa jetken. Qazirgi alys-beristiń qarqynyna qaraǵanda, biyl onyń kólemi 30 mlrd. dollardan asýy yqtimal.
Lázzat Ahatova
