Óńiraralyq yntymaqtastyq forýmy aiasynda Qazaqstan men Resei arasynda birqatar kelisimge qol qoiyldy
Osylaisha, birqatar birlesken jobalardy júzege asyrý nieti týraly kelisimge qol jetkizildi.
Sonyń ishinde «Qyzyljar» arnaiy ekonomikalyq aimaǵynda uzaq saqtalatyn nan ónimderin shyǵaratyn zaýyt salý, Soltústik Qazaqstan oblysynda júk kótergish jabdyqtaryn jasaý, Qostanai oblysynda sútti ónerkásiptik salqyndatý jabdyqtaryn jasap shyǵarý jobalary bar.
Tiisti memorandýmdar men kelisimderge eki eldiń kásiporyn basshylary qol qoidy.
Sondai-aq, Pavlodar men Omby, Mańǵystaý jáne Astrahan, Batys Qazaqstan men Orynbor, Qostanai jáne Orynbor oblystary saýda-ekonomikalyq, ǵylymi-tehnikalyq, ekologiialyq, mádeni-gýmanitarlyq jáne basqa da salalarda halyqaralyq jáne syrtqy ekonomikalyq bailanystar úshin múmkindik ashatyn mańyzdy óńiraralyq qujattarǵa qol qoidy.
Budan ózge, Qostanai oblysynyń kásipkerler palatasy men «Orynbor oblysynyń saýda-ónerkásip palatasy» odaǵy arasynda yntymaqtastyq týraly memorandým jáne «Aqmola oblysynyń tabiǵi resýrstar jáne tabiǵat paidalanýdy retteý basqarmasy» MM men «Renessans» JShQ arasynda orman materialyn qoldaný jáne ósirý salasyndaǵy yntymaqtastyq týraly kelisimge qol jetkizildi.
Esterińizge sala keteiik, Forým dástúrli túrde ótip jatyr, aǵymdaǵy jylǵy forým taqyryby - «Aýyl sharýashylyǵy – myqty ekonomikanyń negizi».
