QR Prezidenti Is basqarmasy Meditsinalyq ortalyǵynyń basshysy Aleksei Tsoi Mańǵystaý oblysynyń ákimi Nurlan Noǵaevpen Yntymaqtastyq týraly memorandýmǵa qol qoidy.
Kelisim qala turǵyndaryna dárigerlerdiń tegin konsýltatsiialaryn, sanatoriilik-kýrorttyq emdeý jáne meditsinalyq ońaltý boiynsha qyzmetterdi alýǵa, al qajet bolǵanda jaǵdaida aýyr naýqastardy emdeýge múmkindik beredi.
Sondai-aq, ortaq kelisim nátijesinde óńirdiń meditsinalyq mekeme qyzmetkerlerin oqytý, aýrýlardy aldyn alý, diagnostikalaý, jańa meditsinalyq tehnologiialar men innovatsiialyq ádistemelerin damytý salasynda tájiribe almasý týraly kelisimge qol jetkizildi.
Óz kezeginde, QR PIB Meditsinalyq ortalyǵynyń basshysy mundai is-sharalar jergilikti aýrýhanalar mamandarynyń biliktilik deńgeiin arttyrýǵa kómektesedi, al óńir azamattary úshin qoljetimdi, ári sapaly meditsinalyq kómek alýyna múmkindik beretinin atap ótti.
«Meditsinalyq ortalyq qyzmetiniń aiasynda bilim berý, ǵylymi zertteýler, sanitariialyq-epidemiologiialyq zertteýler júrgizý, sondai-aq densaýlyq saqtaý salasynda innovatsiialyq ádisterdi izdeý jáne engizý salasynda túrli jobalar iske asyrylýda.
Búgingi qol qoiylǵan Memorandým sheńberinde oblys ákimdigimen birlesip, jol kartasy ázirlenetin bolady. Onyń negizinde biz birneshe jyl boiy óńirde densaýlyq saqtaýdy damytý boiynsha belgilengen josparlardy iske asyratyn bolamyz» - dep, Aleksei Tsoi josparymen bólisti.
