Almatyda Qazaqstandaǵy onkogematologiialyq qyzmettiń negizin qalaýshy, otandyq pediatriianyń korifeii, meditsina ǵylymdarynyń doktory, professor Omarova Kúlán Omarqyzynyń mereitoiyna orai «Gematologiialyq aýrýlardy diagnostikalaý men emdeýdiń zamanaýi tásilderi» atty sheberlik synyby ótti.
Pediatriia ortalyǵy men «Qazaqstan Pediatrlar Odaǵy» respýblikalyq qoǵamdyq birlestiginiń uiymdastyrýymen ótken sheberlik synypqa Resei, Belarýsiia jáne elimizdiń balalar onkologiiasy men gematologiia salasynyń jetekshi mamandary, respýblikalyq ǵylymi ortalyqtardyń, S.J.Asfendiiarov atyndaǵy QazUMÝ-dyń, Eýraziialyq pediatrlar jáne neonatologtar qaýymdastyǵynyń, «Ulttyq meditsinalyq qaýymdastyq» respýblikalyq qoǵamdyq birlestiginiń ókilderi, onkologtar men gematolog dárigerleri qatysty.
Basqosýda 1 jasqa deiingi balalardaǵy jedel leikozdy, jedel promielotsitarly leikoz ben balalardaǵy aplastikalyq anemiiany emdeýdiń zamanaýi emdeý hattamalary, qazirgi emdeý hattamalarynda balalardaǵy neiroblastomaǵa anti-GD2 terapiiasyn qoldaný, balalardaǵy gemofiliia A túrin emdeýdiń zamanaýi múmkindikteri taqyrybynda baiandamalar jasalyp, balalardyń qaterli isigin, qan aýrýlaryn emdeý salasyndaǵy ózekti taqyryptardyń keń aýqymy talqylandy.
Is-sharany Sanjar Asfendiiarov atyndaǵy QazUMÝ rektory Marat Shoranov saltanatty túrde ashyp, balalar saýlyǵyna súbeli úles qosyp kele jatqan bilikti onkogematolog dáriger Kúlán Omarqyzyn QazUMÝ ardageri medalimen marapattady. Marat Edigeuly Kúlán Omarqyzynyń pediatriianyń basym jáne ózekti ǵylymi baǵyttaryn damytýǵa, joǵary mamandandyrylǵan kadrlardy daiarlaýǵa jáne jas mamandardy tárbieleýge qosqan úlken úlesi úshin zor alǵysyn bildirdi.
Sharanyń saltanatty ashylýynda Pediatriia jáne balalar hirýrgiiasy ǵylymi ortalyǵynyń Basqarma tóraǵasy Abai Qusaiynov Kúlán Omarqyzynyń Pediatriia ortalyǵy men onkogematologiia qyzmetine sińirgen kóp jylǵy qajyrly eńbegin atap ótip, óz atynan jáne ujym atynan mereili jasymen quttyqtady.
«Ulttyq meditsinalyq qaýymdastyq» respýblikalyq qoǵamdyq birlestiginiń prezidenti Aijan Sadyqova Kúlán Omarqyzyn Otandyq densaýlyq saqtaýdy damytýǵa qosqan zor úlesi jáne Qazaqstan halqynyń densaýlyǵy úshin janqiiarlyq eńbegi úshin «Gippokrat» joǵary ordenimen marapattady.
«Kúlán Omarqyzy – Siz naǵyz ańyz adamsyz. Bastamashyl, qaitpas qaisar, jigerli de tabandy jansyz. Osy qasietterińizdiń arqasynda sonaý 1993 jyldyń qiyn kezeńderinde balalar gematologiia ortalyǵyn ashyp, qurdyńyz. Mine, 30 jyldan astam ýaqyt boiy nátijeli qyzmet jasap keledi. Sizge myńdaǵan balalarǵa ómir syilaǵanyńyz úshin, Qazaq eliniń ǵylymyna qosqan úlesińiz ben júzdegen shákirt tárbielep, bilimińizben bóliskenińiz úshin barsha sheteldik áriptesterińizdiń atynan zor alǵysymdy bildirgim keledi. Sizge zor densaýlyq, baqyt pen shattyq, mol kúsh-qýat tileimiz!», dedi Reseiden kelgen onkogematolog maman, m.ǵ.d., professor, «D.Rogachev atyndaǵy BGOI UMZO» FMBM bas direktory Galina Novichkova.
Elimizdiń onkogematologiia salasynyń damýyna zor úles qosyp kele jatqan Kúlán Omarqyzyn quttyqtaýshylar legi kóp boldy. Merei toi iesin alys-jaqynnan kelgen áriptesteri, shákirtteri, ujymy, tipti patsientteri de arnaiy kelip quttyqtap, júrekjardy tilekterin bildirdi. Eldiń júgin arqalaǵan qairatker tulǵanyń mereitoiy aq halatty abzal janǵa degen qurmettiń jarqyn kórinisi boldy.
Kúlán Omarqyzynyń bastamasymen ashylǵan respýblikalyq balalar onkogematologiia ortalyǵy ashylǵanan bergi 30 jyldan astam ýaqytta myńdaǵan qazaqstandyq balalar emdelýge, aman qalýǵa, mektepke, JOO-da oqýyn aiaqtaýǵa múmkindik aldy. Búginde ol balalardyń kópshiligi er jetip, otbasyly bop, qoǵamnyń tolyqqandy músheleri atanyp, tabysty azamattar boldy. Sonyń biri Ózbekstannan arnaiy kelgen patsienti - Aziz. Búginde ol 3 balanyń ákesi, 38 jasta. Halyqaralyq qatynastar qyzmetinde jumys jasaidy. Ol ákesi - Tursynov Kamil Tursynulymen birge Kúlán Omarqyzynyń mereitoiyna Ózbekstannan arnaiy kelip, alǵysyn bildirdi.
Respýblikalyq balalar onkogematologiialyq ortalyǵynyń ashylýymen elimizde balalar onkogematologiialyq qyzmetiniń jańa deńgeii bastaldy. Osy tarihi 30 jyldan astam ýaqyt ishinde aitarlyqtai jetistikterge qol jetkizildi. Professor Kúlian Omarovanyń jetekshiligimen balalar onkologtary men gematologtarynyń otandyq ǵylymi mektebi quryldy, onda júzdegen onkogematolog mamandary daiarlandy. Qazirgi kezde olar elimizdiń barlyq óńirinde jáne shetelde de jumys isteidi.
Eki kúnge jalǵasqan sheberlik synyp aiasynda klinikalyq jaǵdailar talqylanyp, molekýliarlyq-genetikalyq diagnostika boiynsha tájiribelik sabaqtar ótkizildi.
Sheberlik synyptyń basty maqsaty - balalar jasyndaǵy gematologiialyq aýrýlardy diagnostikalaý men emdeýdiń búgingi ózekti máselelerin talqylaý, halyqaralyq yntymaqtastyqty damytý, balalardaǵy gematologiialyq aýrýlardy erte diagnostikalaý jáne emdeýdiń jańa terapiialarymen bólisý, qaterli dertpen kúreske kúsh-jigerdi biriktirý.
Pediatriia jáne balalar hirýrgiiasy ǵylymi ortalyǵy baspasóz qyzmeti
